Epaper
మిగిలిన పరిశ్రమలను చూసి కన్నడ పరిశ్రమ మారుతోంది. అన్ని భాషలకు కలిపి కేజిఎఫ్ ను అందించింది. చార్లీ 777 ఇచ్చింది. ఇలా వైవిధ్యం, భారీతనం రెండూ కలిసిన సినిమాల మీద దృష్టి పెట్టింది.
ఇప్పుడు ఆ కోవలోనే వస్తున్న మరో సినిమా విక్రాంత్ రోణ. కన్నడ మాస్ హీరో కిచ్చా సుదీప్ హీరోగా నటించిన సినిమా. ఈ సినిమా మీద ఎప్పటి నుంచో ఆసక్తి కరమైన వార్తలు వినిపిస్తూ వచ్చాయి. ఇప్పుడు ట్రయిలర్ వచ్చింది.
ఓ ఊహాతీత ప్రపంచంలోకి తీసుకెళ్లే ప్రయత్నం చేసారు విక్రాంత్ రోణ దర్శకుడు అనూప్ భండారీ. 'ఎందుకో' భయపడే ఊరికి…అస్సలు భయమంటే తెలియని మనిషి వస్తే…అసలు ఏమిటీ భయం..ఎందుకీ భయం..అన్నది అన్వేషించడం ప్రారంభిస్తే. అన్నది పాయింట్ వరకే. కానీ విజువల్ గా వేరుగా వుంది.
ఓ సస్పెన్స్ థ్రిల్లర్ కు కాల్పనిక విజువల్స్ వండర్ ఫుల్ గా జోడిస్తే…అన్నదే అసలు విషయం. అందుకే ఈ సినిమాను త్రీడీ లో కూడా తీస్తున్నారు.
ట్రయిలర్ లో విజువల్స్ కానీ, ఫ్రేమ్ లు కానీ ఓ డిఫరెంట్ కాన్సెప్ట్ తో కనిపించాయి. కథ, విషయం కన్నా విజువల్స్ మీదనే దర్శకుడు ఎక్కువ దృష్టిపెట్టనట్లు కనిపిస్తోంది. ఈ రోజుల్లో డిఫరెంట్ కాన్సెప్ట్, విజువల్స్ ఇవన్నీ చూసి కానీ జనం థియేటర్ కు రావాలా?వద్దా? అన్నది డిసైడ్ కావడం లేదు.
కిచ్చా సుదీప్ నా? మరోకరా? అన్న దానికన్నా ఇదే కీలకం. అందుకే ఈ విధంగా సినిమాను ప్రెజెంట్ చేస్తున్నట్లు కనిపిస్తోంది.