Epaper
హీరో నాని కెరీర్ ను మలుపుతిప్పిన సినిమా భలేభలే మగాడివోయ్. ఆ సినిమాకి ముందు నాని విపరీతమైన స్ట్రగుల్ లో వున్నాడు. అలాంటి టైమ్ లో వచ్చిన ఈ సినిమా ఇచ్చిన ఊపు ఇంతా అంతా కాదు. అప్పటి నుంచి ఇప్పటి వరకు మరి వెనుతిరిగి చూడలేదు. ఈ సినిమాతోనే జిఎ2 ప్లస్ యువి క్రియేషన్స్ కలిపి నిర్మాణానికి దిగారు. అప్పటి నుంచి ఆ పార్టనర్ షిప్ అలా కొనసాగుతూ, టాక్సీవాలా వరకు వచ్చింది.
ఈ సినిమా దర్శకుడు మారుతికి కూడా బోలెడంత పేరు తెచ్చింది. ఇప్పుడు లేటెస్ఠ్ విషయం ఏమిటంటే, మళ్లీ ఇధే కాంబినేషన్ రిపీట్ చేసేయత్నాలు ప్రారంభమయ్యాయి. యువి-గీతా-మారుతి కాంబినేషన్ లో నాని హీరోగా సినిమా చేసే ప్రయత్నం జరుగుతోందని తెలుస్తోంది.
సబ్జెక్ట్ కనుక ఓకె అయితే ఇది మెటీరియలైజ్ అవుతుంది. 2020 సంక్రాంతి టార్గెట్ గా ఈ సినిమాను రెడీ చేయాలన్నది ప్లాన్ గా తెలుస్తోంది. ప్రస్తుతం నాని చేస్తున్న జెర్సీ సినిమా పూర్తి కావచ్చింది. దీని తరువాత విక్రమ్ కుమార్ సినిమా వుంది. ఆ తరువాత యువి-గీతా-మారుతి సినిమా వుండే అవకాశం వుంది.