Epaper
బాలకృష్ణ అంటే తనకు ఎవరో తెలియదని అంటూ మొదలుపెట్టి… నందమూరి ఫ్యాన్స్ పై మెగా టీజింగ్ ను కొనసాగిస్తున్నట్టుగా ఉన్నాడు నాగబాబు. తొలిరోజు ఫేస్ బుక్ లైవ్ లో బాలకృష్ణ అంటే ఎవరో తనకు తెలియదని స్పష్టం చేసిన నాగబాబు, ఆ తర్వాత బాలకృష్ణ అంటే ఎవరో తనకు తెలుసని, తెలియదు అని చెప్పినందుకు క్షమాపణలు అంటూ మరింత రచ్చ రాజేశాడు. బాలకృష్ణ అంటే గొప్ప కమేడియన్ అని, ఆయన ఎన్టీఆర్ తో కూడా కలిసి నటించినట్టుగా చెబుతూ.. జనం దాదాపు మరిచిపోయిన ఒక కమేడియన్ పేరును ప్రస్తావించి టీజింగ్ ను కొనసాగించాడు నాగబాబు.
బాలకృష్ణ అంటే తనకు తెలియదని నాగబాబు అనడం వెనుక కథ ఏమిటో అందరికీ అర్థం అవుతున్నదే. ఈ విషయంపై నాగబాబు తనయుడు వరుణ్ తేజ్ కూడా స్పందించాడు గ్రేట్ ఆంధ్రా ఇంటర్వ్యూలో. ఇక ఈ కెళుకుడును మరింతగా కొనసాగిస్తున్నాడు నాగబాబు.
తాజాగా తన ఫేస్ బుక్ పేజీలో ఒక చిన్న పిల్లాడు సారే జహాసె అచ్ఛా గేయాన్ని పాడే వీడియోను పోస్టుచేశాడు నాగబాబు. చిన్నపిల్లాడు అయినా.. చాలా బాగా పాడాడు అంటూ దాన్ని పోస్టు చేశాడు. దీనికి బాలయ్య అభిమానులు భుజాలు తడుముకోక తప్పని పరిస్థితి.
ఇటీవల తెలంగాణ అసెంబ్లీ ఎన్నికల ప్రచారంలో బాలయ్య సారే జహాసె అచ్ఛా అంటూ పాడబోయి భంగపడ్డాడు. బుల్ బుల్ అంటూ.. ఆగిపోయాడు. ఆఖరికి ఆ ఏ బుల్ బుల్ హమారా సితారా.. అంటూ మహేశ్ బాబు కూతురు పేరు స్మరించాడు నందమూరి నటసింహం. దానిపై భారీగా ట్రోల్ తప్పలేదు.
ఇలాంటి నేపథ్యంలో ఒక చిన్న పిల్లాడు సారే జహాసె అచ్చాను గుక్కతిప్పుకోకుండా పాడే వీడియోను పోస్టుచేసి.. నటసింహాన్ని దెప్పి పొడిచాడు నాగబాబు. మొత్తానికి ఈ మెగా బ్రదర్.. నందమూరి వీరాభిమానులను బీభత్సంగా ఉడికిస్తున్నాడు! ఇది ఎంతవరకూ వెళ్తుందో!