Epaper
ఎన్టీఆర్ బయోపిక్ కు సంబంధించి ఇప్పటి వరకు వచ్చిన స్టిల్స్ వేరు. ఈ రోజు బయటకు వచ్చిన స్టిల్ వేరు. బసవతారకం-ఎన్టీఆర్ ల మధ్య ప్రేమ ఎపిసోడ్ కూడా ఎన్టీఆర్ బయోపిక్ లో వుంటుందని మొదటి నుంచీ వినిపిస్తోంది. ఇది ఎలా వుంటుందో అని జనం అనుమానపడుతూ వచ్చారు. ఈ రోజు వచ్చిన స్టిల్ ఆ అనుమానాలు అన్నీ పక్కకు తోసింది. అదే విధంగా యంగ్ బాలయ్య గా శర్వానంద్ వేస్తాడా, మోక్షజ్ఞ నటిస్తాడా? అని వార్తలు వచ్చాయి. ఎందుకంటే యంగ్ ఎన్టీఆర్ గా బాలయ్య ఎలా వుంటాడో అన్న అనుమానం. దీన్ని కూడా పటాపంచలు చేసింది స్టిల్.
బసవతారకంగా విద్యాబాలన్, యంగ్ ఎన్టీఆర్ గా బాలయ్య ఈ స్టిల్ లో కనిపిస్తున్నారు. ఇద్దరూ కూడా బాగున్నారు అనే అనేలా వున్నారు. అసలు బాలయ్యేనా అని మరోలా చూసేలా వుంది స్టిల్. నిన్న మొన్నటి దాకా బయోపిక్ కు యాడ్ చేస్తూ వచ్చిన స్టార్ కాస్ట్, తీసుకు వచ్చిన బజ్, సినిమాకు వచ్చిన క్రేజ్ అన్నీ గమనించిన ఇండస్ట్రీ జనాలు, ఇప్పుడు అంటున్నారు..క్రిష్ కాకుండా, తేజనే సినిమాను డైరక్ట్ చేసినా, లేదా బాలయ్యే చేసుకుని వున్నా, ఇలా వుండేది కాదేమో? అని.
అది వాస్తవమే కూడా, సినిమాకు ఓ వింటేజ్ క్లాసిక్ లుక్, ఓ సీరియస్ బయోపిక్ లుక్ తీసుకురావడంలో క్రిష్ పూర్తిగా విజయం సాధించారు. ఆ విషయంలో సందేహం లేదు. ఇక మిగిలింది బాలయ్య ఎలా చేసారు అన్నదే. దాన్ని బట్టే సినిమా విజయం ఆధారపడి వుంటుంది.
అన్ని దోశలు ఎలా వేశావ్ భయ్యా.. ఆకలేసి ఫన్నీ వీడియో
కేసీఆర్‌లా గెలిచినట్టుగా గెలుస్తారా?.. చదవండి ఈవారం గ్రేట్ ఆంధ్ర పేపర్