క్రికెట‌ర్ బుమ్రా, హీరోయిన్ అనుప‌మ మ‌ధ్య ప్రేమాట‌

ఒక‌రేమో అంత‌ర్జాతీయ క్రికెట‌ర్‌, మ‌రొక‌రు సినిమా హీరోయిన్‌. వాళ్ల‌ద్ద‌రి రంగాలు పూర్తి విభిన్న‌మైన‌వి. కానీ వాళ్ల‌ద్ద‌రి మ‌ధ్య ప్రేమాట సాగుతోంది. సోష‌ల్ మీడియాలో వాళ్ల‌ద్ద‌రి మ‌ధ్య లైకుల వ్య‌వ‌హార‌మే…సంథింగ్ సంథింగ్ అనే అనుమానాలు క‌లిగిస్తున్నాయి.

ఈ ఉపోద్ఘాత‌మంతా ఉత్త‌రాధి ఫాస్ట్ బౌల‌ర్ జ‌స్ప్రీత్ బుమ్రా, ద‌క్షిణాది హీరోయిన్ అనుప‌మ ప‌ర‌మేశ్వ‌ర‌న్ గురించే. అవును వాళ్లిద్ద‌రూ పీక‌ల్లోతు ప్రేమ‌లో మునిగి తేలుతున్నార‌నే ప్ర‌చారం సోష‌ల్ మీడియాలో విస్తృతంగా సాగుతోంది. అయితే ఆ ప్ర‌చారానికి బ‌లం క‌లిగించే ఆధారాలు లేక‌పోలేదు.

అనుప‌మ‌కు చెందిన ఏ చిన్న విష‌యానికైనా ఫేస్‌బుక్ లేదా ఇత‌ర సోషల్ మీడియా వేదిక‌ల‌పై బుమ్రా లైకులు కొడుతాడు. అంతేకాదు, ఆమెను ప్రోత్స‌హిస్తూ కామెంట్స్ రూపంలో ప్ర‌శంస్తుంటాడు. బుమ్రా లైకులు కొడితే…త‌న ఇష్టాన్ని మాత్రం ఎందుకు దాచుకోవాల‌ని అనుప‌మ కూడా అనుకుంటోంద‌ట‌. సోష‌ల్ మీడియాలో బుమ్రా ఏ పోస్టు పెట్టినా…ఠ‌కీమ‌ని అనుప‌మ కూడా లైకులు కొడుతోంద‌ట‌. ఇలా వాళ్లిద్ద‌రి మ‌ధ్య లైకుల ఆట సాగుతోంది.
 
స‌హ‌జంగా అనుప‌మ ఇత‌రుల విష‌యాల‌పై పెద్ద‌గా జోక్యం చేసుకోదు. త‌న ప‌ని ఎంతో…అంత వ‌ర‌కే ఆమె ప‌రిమిత‌మ‌వుతుంటారు. అంత‌కు మించి ఇత‌రుల విష‌యాల్లో జోక్యం చేసుకోదు. అలాంటిది బుమ్రా విష‌యంలో మాత్రం ప్ర‌త్యేక శ్ర‌ద్ధ కన‌బ‌ర‌చ‌డంపై నెటిజ‌న్లు అనుమానిస్తున్నారు. వాళ్లిద్ద‌రి మ‌ధ్య ప్రేమాయ‌నం న‌డుస్తోంద‌ని అంటున్నారు.  నిప్పులేందే పొగ రాద‌ని పెద్ద‌లు అన్నారు. వాళ్ల‌ద్ద‌రి ప్రేమ లేందే లైకులు పుట్ట‌వ‌ని నెటిజ‌న్లు కొత్త థియ‌రీ చెబుతున్నారు. అంతేగా..అంతేగా మ‌రి!

వీడు మా అమ్మ నాన్న కంటే బాగా చూసుకున్నాడు