బెంగళూరులో బయోపిక్ ఫంక్షన్

ఎన్టీఆర్ బయోపిక్ కథానాయకుడు ప్రమోషన్లు షురూ అయ్యాయి. లుక్కులు, పాటలు వదలడం అయింది. ఇప్పుడు ఫంక్షన్ల ప్లానింగ్ మొదలైంది. తిరుపతిలో చేయాలనుకున్న ఫంక్షన్ ను రెండు పార్ట్ లు చేసారు. ఎల్ వి ప్రసాద్ తనయుడు రమేష్ ప్రసాద్ తిరుపతి అంత దూరం రాలేని పరిస్థితి కావడం, ఆయన లేకుండా ఫంక్షన్ చేయడం అంత ఇష్టం లేకపోవడంతో, ట్రయిలర్ విడుదలను హైదరాబాద్ కు పరిమితం చేసారు.

తిరుపతి ఫంక్షన్ ను 21కి నిమ్మకూరుకు మార్చారు. ఎన్టీఆర్ కొడుకులు, కూతుళ్లు, కోడళ్లు, అల్లుళ్లు అందరూ ఈ పంక్షన్ కు హాజరవుతారు. మనవళ్లు అందరూ వస్తారా? రారా? అన్నది ఇంకా తెలియాల్సి వుంది. ఎన్టీఆర్ అయితే రావడం లేదని తెలుస్తోంది. ఇప్పటిదాకా అతగాడికి పిలుపు అందలేదని విశ్వసనీయ వర్గాల బోగట్టా. 

ఇదిలావుంటే బెంగళూరులో మరో ఫంక్షన్ ప్లాన్ చేస్తున్నారు. జనవరి 7న అంటే విడుదలకు జస్ట్ రెండు రోజుల ముందు బెంగళూరులో మాంచి సమావేశం నిర్వహించే ఆలోచన చేస్తున్నారు. శివరాజ్ కుమార్, యష్ తదితర కన్నడ హీరోలు, ప్రముఖులు ఈ సమావేశానికి హాజరవుతారు.