సైరా… సంక్రాంతి 2020

మెగాభిమానులకు ఈ వార్త కాస్త నిరాశే కలిగిస్తుంది. వాళ్లు ఎదురుచూస్తున్న సైరా నరసింహారెడ్డి సినిమా 2019లో విడుదల కాదని విశ్వసనీయ వర్గాల బోగట్టా. 2020 సంక్రాంతికి ఆ సినిమా వస్తుందని తెలుస్తోంది. ఈ సినిమాకు సిజి, విజువల్ ఎఫెక్ట్స్ వర్క్ చాలావుంది. దాన్ని చాలా క్వాలిటీగా చేయించే పనిలో వున్నారు.

సినిమాను మూడు నాలుగు భాషల్లో, ముఖ్యంగా బాలీవుడ్ లో భారీగా మార్కెట్ చేసే ఆలోచన నిర్మాత రామ్ చరణ్ కు వుంది. ఇలా చేయాలంటే సినిమా కూడా భారీగా వుండాలి. విజువల్స్ అన్నీ గ్రాండియర్ గా వుండాలి. అందుకే యుద్ద సన్నివేశాలు అన్నీ చాలా భారీగా ప్లాన్ చేసారు.

వాటన్నింటినీ సిజి, విజువల్ ఎఫెక్ట్స్ సంస్థలకు అప్పగించి, పని పూర్తి చేయించడం అంటే అర్జెంట్ గా అయ్యే పనికాదు. వాస్తవానికి 2019సమ్మర్ లో సైరా వస్తుందని, ఆగస్టు 15 డేట్ అని కూడా టాక్ వినిపించింది. కానీ ఇప్పుడు మాత్రం 2020 సంక్రాతికే అని వినిపిస్తోంది.

అంటే 2019 సమ్మర్ కు సాహో ఒక్కటేనా? లేక దానికి కూడా సిజి, విజువల్స్ వర్క్ ఎక్కువే కాబట్టి, డవుటేనా? తెలియాల్సి వుంది. అంతా బాగానే వుంది. కానీ మరి అప్పటి దాకా కొరటాల శివ ఏం చేస్తారో? మెగా క్యాంప్ లో. ఖాళీగా.