Epaper
ఏషియన్ సునీల్, సూపర్ స్టార్ మహేష్ బాబు కలిసి నిర్మించిన ఎఎంబీ మల్టీ ఫ్లెక్స్ ప్రారంభోత్సవానికి డేట్ డిసైడ్ అయింది. డిసెంబర్ 2న ఈ మల్టీ ఫ్లెక్స్ ప్రారంభం అవుతుంది. అదే రోజు ఉదయం 10 గంటలకు పూజా కార్యక్రమాలు వుంటాయి. సాయంత్రం 4.30 నుంచి షో లు వుంటాయి.
చాలా ఆధునిక సాంకేతికతతో, అత్యాధునిక సీటింగ్ తో , చాలా గ్రాండియర్ తో ఈ మల్టీ ఫ్లెక్స్ ను రూపొందించారు. సైబరాబాద్ లోని కొండాపూర్, కొత్తగూడ జంక్షన్ సమీపంలో ఈ మల్టీ ఫ్లెక్స్ ను నిర్మించారు. ఇందులో మొత్తం ఏడు స్క్రీన్ లు వుంటాయని తెలుస్తోంది. వాటిల్లో ఒకటి ప్రయివేట్ స్క్రీన్ అని వినిపిస్తోంది. ఆరు స్క్రీన్ లు కలిపి సుమారు 1600 వరకు సీటింగ్ కెపాసిటీ వుంటుందని తెలుస్తోంది.
వాస్తవానికి ఈ మల్టీ ఫ్లెక్స్ ను రోబో 2 సినిమాతో 29న ప్రారంభించాలని అనుకున్నారు. కానీ పనులు పెండింగ్, అనుమతులు పెండింగ్ వల్ల సాధ్యం కాలేదు. ఇప్పుడు ఆ రెండు సమస్యలు అధిగమించి 2న ప్రారంభానికి సిద్దం అవుతోంది.