మహర్షి, సైరా ఓకె.. మరి సాహో?

మార్చిలో వస్తుందని మహర్షి సినిమా మీద, ఆగస్టు 15కు అంటూ సైరా సినిమా మీద గ్యాసిప్ లు ఫిక్స్ అయిపోయాయి. ఈ రెండింటికన్నా భారీ సినిమా సాహో.. మరి దాని పరిస్థితి ఏమిటి? 2019 సమ్మర్ అని ఎప్పటి నుంచో టాక్ వుంది. మార్చిలో మహర్షి అయిపోతే, ఏప్రియల్, మే, జూన్ ఖాళీనే. సినిమాలు అయితే వున్నాయి కానీ, భారీ సినిమాలు ఏవీలేవు.

మరి అలా అని సాహో విడుదల డేట్ మీద ఏ విధమైన ఫీలర్ వినిపించడం లేదు. ఆ మాటకు వస్తే, అసలు సాహో అప్ డేట్ లే లేవు. అప్పుడెప్పుడో దుబాయ్ ఎపిసోడ్ తరువాత సాహో విషయంలో ఏం జరుగుతోందో ఎవరికీ తెలియదు. ఈలోగా ప్రభాస్ తను తరవాత సినిమా షూటింగ్ మొదలుపెట్టారు. సాహొకు కాస్త బ్రేక్ ఇచ్చారు.

మరి బ్రేక్ ఎందుకు ఇచ్చారో? ఇప్పుడు ఏం జరుగుతూందో తెలియాల్సి వుంది. సమ్మర్ అంటే ఇంకా ఆరునెలలు టైమ్ అయితే వుంది. కానీ సాహోకి గ్రాఫిక్స్, విజువల్ ఎఫెక్ట్స్ పని చాలా ఎక్కువే. రాను రాను ఈ విషయంలో క్వాలిటీ అన్నది మరింత అంచనాలు పెంచుతోంది.

అందువల్ల తొందరగా జరిగేది, తేలేదికాదు. మరి ఇవన్నీ చేసుకుని సమ్మర్ కు వస్తుందా? ఇంకా వెనక్కు, వెనక్కు వెళ్తుందో? చూడాలి.

చంద్ర 'స్క్వేర్' తెలంగాణ గెలుపు చంద్రుడెవరు? చదవండి ఈవారం గ్రేట్ ఆంధ్ర పేపర్