పాట పాడేసిన రామ్-ప్రకాష్ రాజ్

గత కొంతకాలంగా టాలీవుడ్ లో నడుస్తున్న ట్రెండ్ ఏమిటంటే, హీరోలు గొంతు సవరించుకోవడం. దాదాపు దశాబ్ద కాలంగా టాలీవుడ్ లో రకరకాల గొంతులు వినిపించడం ప్రారంభమైంది. ఇలాంటి నేపథ్యంలో దేవీశ్రీప్రసాద్, థమన్ లాంటి వాళ్లు హీరోల చేత పాడించేయడం ప్రారంభించేసారు. అలా దాదాపు అందరు హీరోలు పాటలు పాడేసారు. వాస్తవానికి వీళ్లందరికన్నా ముందే, మెగాస్టార్ చిరంజీవి గొంతు సవరించేసుకున్నారు.

లేటెస్ట్ గా హీరో రామ్ వంతు వచ్చింది. రాబోయే 'హలోగురూ ప్రేమకోసమే' సినిమాలో రామ్ ఓ పాటకు గొంతు ఇచ్చాడు. ఇంకా విశేషం ఏమిటంటే రామ్ తో పాటు ప్రకాష్ రాజ్ కూడా గొంతుకలపడం. సినిమాలో ఓ చిత్రమైన సిట్యువేషన్ వుంది. హీరో రామ్ కు, హీరోయిన్ తండ్రి ప్రకాష్ రాజ్ ప్రేమ చిట్కాలు చెబుతాడు. ఆ చిట్కాలు కాస్త ట్యూన్ రూపంలోకి మార్చాడు సంగీత దర్శకుడు దేవీశ్రీ ప్రసాద్. 

రెండు నిమిషాలు వుండే ఈ ట్యూన్ టైప్ కాన్వెర్ సేషన్ సాంగ్ ను ఇటీవలే రికార్డు చేసారు. ప్రెండూ.. మార్చాలి ట్రెండూ అనే టైపులో సాగుతుంది ఈ పాట.