ప‌వ‌న్ అభిమానుల‌ను రెచ్చ‌గొడుతున్న‌ హాట్ యాంక‌ర్‌

బుల్లితెర‌పై త‌న స‌త్తా ఏంటో చూపిన హాట్ యాంక‌ర్ అన‌సూయ‌, ఆ త‌ర్వాత వెండితెర‌పై అవ‌కాశాల‌ను ద‌క్కించుకుంటోంది. రంగ‌స్థ‌లం సినిమాలో రంగ‌మ్మ‌త్త పాత్ర‌తో వెండితెర‌పై ఆమె ఇమేజ్ అమాంతం పెరిగింది. అప్ప‌టి నుంచి త‌న‌కు స‌రైన గుర్తింపు తెచ్చే క్యారెక్ట‌ర్ల‌నే ఆమె ఎంచుకుంటోంది.

సోష‌ల్ మీడియాలో యాక్టీవ్‌గా ఉండే అన‌సూయ‌…వృత్తి, వ్య‌క్తిగత వివ‌రాల‌కు సంబంధించి అప్‌డేట్స్ ఇస్తూ అభిమానుల‌ను అల‌రిస్తూ ఉంటుంది. అలాగే ఒక్కోసారి హాట్‌హాట్ డ్రెస్‌ల‌తో క‌నిపిస్తూ కుర్ర‌కారుకు మ‌త్తెక్కిస్తోంటోంది.

ఈ నేప‌థ్యంలో వ‌కీల్‌సాబ్ సినిమా విడుద‌లై, ప‌వ‌న్ అభిమానులు సంద‌డి చేస్తున్న త‌రుణంలో అన‌సూయ వారికి ఓ అప్‌డేట్ అందించింది. అభిమాన హీరోతో తాను చేసే ర‌చ్చ చూసేందుకు సిద్ధంగా ఉండాల‌ని ప‌వ‌న్ అభిమానుల‌ను అన‌సూయ రెచ్చ‌గొడుతోంది.

త్వ‌ర‌లో ప‌వ‌న్ క‌ల్యాణ్‌తో క‌లిసి ర‌చ్చ చేసేందుకు తాను సిద్ధంగా ఉన్నాన‌ని, చూసేందుకు అభిమానులు రెడీగా ఉండాల‌ని ఆమె సోష‌ల్ మీడియా వేదిక‌గా ప్ర‌క‌టించారు. ఆ సంద‌డి మీకు చూపించాల‌ని చాలా ఆతృత‌గా ఉంద‌ని ప‌వ‌న్ అభిమానుల‌ను ఉద్దేశించి అన్నారామె. 

అన‌సూయ కామెంట్స్ నేప‌థ్యంలో ప‌వ‌న్ హీరోగా డైరెక్ట‌ర్ క్రిష్ తెర‌కెక్క‌నున్న మూవీలో అన‌సూయ కీల‌క‌పాత్ర పోషించనున్నార‌నే చ‌ర్చ న‌డుస్తోంది. ప్ర‌స్తుతం మ‌మ్ముట్టి సినిమాలో అన‌సూయ బిజీగా ఉన్నారు.