Epaper
మహానటి తరువాత బన్నీ ఓ మాంచి పనిచేసాడు. ఆ టీమ్ ను పిలిచి సత్కరించి, అదే సందర్భంలో ఇండస్ట్రీలోని డైరక్టర్లు అందరిని పిలిచాడు. మాంచి హంగామా అది. ఇప్పుడు మళ్లీ అదే చేయబోతున్నారు బన్నీ.
ఈ శనివారం నాడు జిఎ-2 యూనిట్ ను సత్కరించబోతున్నాడు. గీతగోవిందం నిర్మించిన ఈ యూనిట్ ను సత్కరించి పార్టీ ఇస్తున్న సందర్భంలో మళ్లీ ఇండస్ట్రీలోని పలువురు డైరక్టర్లను ప్రముఖులను పిలవబోతున్నాడు.
గీతగోవిందం నిర్మాత బన్నీ వాస్ ఎవరోకాదు, హీరో బన్నీకి అత్యంతం ఆప్తుడు. ఆ ఇద్దరు ఆత్మ.. పరమాత్మ టైపు. గీత గోవిందం సినిమా టైటిల్స్ కు ముందు బన్నీవాస్ ఆ విషయమై ఓ కార్డ్ కూడా వేసాడు.
చిరంజీవి వస్తున్నారు..
గీతగోవిందం విడుదలకు ముందు విశాఖలో జరిగిన ఫంక్షన్ కు మెగాస్టార్ చిరంజీవి హాజరు కావాల్సి వుంది. కానీ అనివార్య కారణాల వల్ల అది ఆగిపోయింది. ఇప్పుడు ఆ లోటు తీర్చేస్తున్నారు. ఆదివారం నాడు గీత గోవిందం సక్సెస్ పంక్షన్ చేయబోతున్నారు. దానికి చిరంజీవి ముఖ్యఅతిథిగా హాజరవుతానని మాట ఇచ్చినట్లు తెలుస్తోంది.
మొత్తానికి మెగా క్యాంప్ లోనే గీతగోవిందం హిట్ చాలా ఆనందం నింపినట్లు కనిపిస్తోంది.