పరుశురామ్ -విష్ణు సినిమా

గీతగోవిందం హిట్ కావడంతో ఇప్పుడు అందరి దృష్టి డైరక్టర్ పరుశురామ్ మీదకు మళ్లింది. కానీ సమస్య ఏమిటంటే పరుశురామ్ దగ్గర ఒకటి కాదు. చాలా ఎక్కువ అడ్వాన్స్ లే వున్నాయని వినికిడి. గీతాఆర్ట్స్, మైత్రీమూవీస్, ఇలా ఒకటి కాదు. అయితే గీత గోవిందం తరువాత సినిమా తమదే అంటూ మంచు ఫ్యామిలీ నుంచి క్లారిటీ వచ్చింది. 

పరుశురామ్ డైరక్టర్ గా, మంచువిష్ణు హీరోగా, మోహన్ బాబు నిర్మాతగా త్వరలో సినిమా ప్రారంభించబోతున్నట్లు అఫీషియల్ అనౌన్స్ మెంట్ వచ్చింది. దీంతో పరుశురామ్ తరువాత సినిమా మీద క్లారిటీ వచ్చేసినట్లే. ఇక మైత్రీమూవీస్ అయినా, గీతా అయినా, మరేదయినా ఆ తరువాతే అనుకోవాలి.

మాస్ హీరోగా పేరు తెచ్చుకున్న విష్ణుతో ఫ్యామిలీ సబ్జెక్ట్ లు డీల్ చేసే పరుశురామ్ సినిమా ఎలా వుండబోతోందో చూడాలి. ఇప్పటి వరకు లైన్ అయితే ఇంకా ఏదీ అనుకోలేదు. ఫైనల్ కాలేదు.