Epaper
మహానటి ఫార్ములాను ఫాలో అవుతున్న క్రిష్.. ఎన్టీఆర్ బయోపిక్ కోసం భారీ స్టార్ కాస్ట్ ను రంగంలోకి దించుతున్నాడు. ఇప్పటికే బసవతారకం పాత్ర కోసం విద్యాబాలన్, చంద్రబాబు క్యారెక్టర్ కోసం రానాను తీసుకున్న ఈ దర్శకుడు, తాజాగా మరో కీలకమైన పాత్రకు సెలక్షన్ పూర్తిచేశాడు. అవును.. ఎన్టీఆర్ బయోపిక్ లో అక్కినేని నాగేశ్వరరావుగా సుమంత్ నటించబోతున్నాడు.
నిజానికి ఈ పాత్రకోసం నాగార్జున లేదా నాగచైతన్యలో ఒకర్ని తీసుకోవాలని అనుకున్నాడట క్రిష్. కానీ కేవలం 3 సన్నివేశాలున్న పాత్రలో తను నటించనని నాగ్ చెప్పేసినట్టు తెలుస్తోంది. మరోవైపు ఆల్రెడీ ఏఎన్నార్ పాత్రలో కనిపించిన తను, మళ్లీ ఆ క్యారెక్టర్ పోషిస్తే బాగోదని చైతూ కూడా తప్పుకున్నాడట. దీంతో సుమంత్ ను రంగంలోకి దించారు మేకర్స్.
ఎన్టీఆర్ బయోపిక్ లో ఏఎన్నార్ పాత్రను సమంత్ పోషించబోతున్నాడనే విషయాన్ని అటు సుమంత్ తో పాటు క్రిష్ స్వయంగా వెల్లడించారు. ఈ మూవీలో శ్రీదేవి పాత్ర కూడా ఉంది. ఈ క్యారెక్టర్ కోసం రకుల్ ను ఎంపిక చేశారు.
దీనిపై ఇంకా అఫీషియల్ స్టేట్ మెంట్ అయితే రాలేదు కానీ, అటు రకుల్ మాత్రం శ్రీదేవి మేనరిజమ్స్, లుక్స్ పై ఇప్పటికే హోమ్ వర్క్ స్టార్ట్ చేసింది. ఎన్టీఆర్ బయోపిక్ కు సంబంధించి ఇప్పటికే ఫస్ట్ షెడ్యూల్ కంప్లీట్ అయింది. త్వరలోనే సెకెండ్ షెడ్యూల్ మొదలవుతుంది.