Epaper
అక్కినేని అఖిల్ సినిమా ఎంట్రీ ముందు నుంచీ బాలీవుడ్ హీరోలా వున్నాడు అని ఆ ఫ్యామిలీ అభిమానులు చెబుతూ వచ్చారు. ఇప్పుడు వారిమాట నిజమవుతోంది. అఖిల్ బాలీవుడ్ ఎంట్రీ దగ్గరకు వస్తోంది. బాలీవుడ్ క్రేజీ నిర్మాత కరణ్ జోహార్ ఓ సినిమాను అఖిల్ హీరోగా నిర్మించబోతున్నారు.
హీరో ఆది పినిశెట్టి సోదరుడు సత్య తయారుచేసిన ఓ లైన్ అఖిల్ ద్వారా తెలుసుకున్న కరణ్ జోహార్ ఇద్దరు స్క్రిప్ట్ అసిస్టెంట్లను ఇచ్చి, పూర్తి బౌండ్ స్క్రిప్ట్ చేయించారట. ఇప్పుడు ఆ సినిమాను తెలుగు హిందీ భాషల్లో తెరకెక్కిస్తారు.
ఈ సినిమా మొత్తం గుర్రపు పందాల చుట్టూ తిరుగుతుంది. అఖిల్ కు ఓ గుర్రం అపురూపనేస్తంగా వుంటుంది. గుర్రపు. పందాల గురించి, ఆ టెర్మినాలజీ, ఇతరత్ర వ్యవహారాల గురించి డైరక్టర్ సత్య బాగా రీసెర్చి చేసి, స్క్రిప్ట్ తయారుచేసాడట. ఇది బాగా రావడంతో, అఖిల్ నాలుగో సినిమాగా అందించబోతున్నారు.
ప్రస్తుతం అఖిల్ వెంకీ అట్లూరి డైరక్షన్ లో ఓ సినిమా చేస్తున్నాడు దీనికి బోగవిల్లి ప్రసాద్ నిర్మాత. దాని తరువాత కరణ్ జోహార్ సినిమా వుంటుంది. మరి ఇంతకీ రైటర్ గోపీ మోహన్ ఓ కథను అఖిల్ కోసం తయారుచేసారని ఆ మధ్య వినవచ్చింది. అదేమయిందో?