Epaper
ఈ మధ్యనే ఊపిరి, ఖాకీ సినిమాలతో మళ్లీ ఫామ్ లోకి వచ్చిన తమిళ్ హీరో కార్తీ లేటెస్ట్ సినిమా చినబాబు. వచ్చేవారం విడుదలకు రెడీ అయిన ఈ సినిమా ట్రయిలర్ ఇప్పుడు బయటకు వదిలారు. మొదటి నుంచీ ఇది రైతు బ్యాక్ డ్రాప్ సినిమాగా చెబుతూ వచ్చారు. కానీ ఇప్పుడు ట్రయిలర్ చూస్తుంటే, నవరసాలు నింపేసినట్లు కనిపిస్తోంది. విలేజ్ పాలిటిక్స్, ఫ్యామిలీ పాలిటిక్స్, వీటి మధ్య మాంచి లవ్ స్టోరీ, ఆపైన అన్నింటికీ కలిపి ఫైటింగ్ లు. ఇలా పక్కా బిసి సెంటర్లకు పనికి వచ్చే సినిమాను తయారుచేసినట్లు కనిపిస్తోంది.
కార్తీ సరసన ఆయేషా బాగుంది. అదేంటే మన దగ్గర అంతగా ఆనని హీరోయిన్లను కూడా తమిళ డైరక్టర్లు భలేగా తయారుచేసి చూపిస్తారు. ట్రయిలర్ మొత్తం కలర్ ఫుల్ గా వుంది. శతమానం భవతి మాదిరిగా ఫ్యామిలీ రీయూనియన్ లాంటి కాన్సెప్ట్ కూడా ఏదో జోడించినట్లున్నారు.
ఈనెల రెండోవారంలో విజేత, ఆర్ ఎక్స్ 100 వుండగా, ఓరోజు వెనగ్గా చినబాబు వస్తోంది. తెలుగు వెర్షన్ నిర్మాత మిరియాల రవీందర్ రెడ్డి కాస్త భారీ విడుదలనే ప్లాన్ చేసారు. పైగా సినిమాను దిల్ రాజు చేతిలో పెట్టారు కాబట్టి, విడుదల కాస్త గట్టిగానే వుంటుంది.