Epaper
సిల్వర్ స్క్రీన్ పై తిరుగులేని ప్రేమజంటల్లో ఒకటి షారూక్-కాజోల్ జోడీ. వీళ్లిద్దరూ కలిసి చేసిన దిల్ వాలే దుల్హనియా లేజాయేంగే ఎంత పెద్ద హిట్టో అందరికీ తెలిసిందే. ఆ మూవీ తర్వాత కూడా వీళ్లిద్దరూ కలిసి పలు హిట్ సినిమాల్లో నటించారు. ఇప్పుడీ జంటను మరోసారి వెండితెరపైకి తీసుకొచ్చే ప్రయత్నాలు ప్రారంభమయ్యాయి. దర్శక-నిర్మాత కరణ్ జోహార్ ఈ మేరకు తన ప్రయత్నాలు ప్రారంభించాడు.
షారూక్-కాజోల్ కలిసి నటించిన ఆఖరి చిత్రం దిల్ వాలే. అది కూడా హిట్టే. ఆ మూవీ తర్వాత మళ్లీ వీళ్లిద్దరూ కలవలేదు. అలా దాదాపు మూడేళ్ల విరామం తర్వాత మరోసారి షారూక్, కాజోల్ కలిసి నటించబోతున్నారు. ఓ హాలీవుడ్ మూవీ రీమేక్ ఆధారంగా ఈ సినిమా రాబోతోందని టాక్.
అయితే ఇక్కడ ఓ చిన్న ట్విస్ట్ ఉంది. షారూక్ తో కలిసి నటించడానికి కాజోల్ కు ఎలాంటి అభ్యంతరం లేదు. కానీ కరణ్ జోహార్ తో ఆమె కలిసి పనిచేస్తుందా అనేది డౌట్. బాలీవుడ్ లో కాజోల్-కరణ్ మధ్యగొడవ గురించి అందరికీ తెలిసిందే. అయితే ఇప్పుడు వీళ్లిద్దరూ తమ మధ్య ఉన్న పాత గొడవల్ని మరిచిపోయారంటోంది బాలీవుడ్.
రీసెంట్ గా జరిగిన కొన్ని వేడుకల్లో కరణ్ జోహార్, కాజోల్ కలిశారు. కూర్చొని చక్కగా మాట్లాడుకున్నారు. అలా ఇద్దరి మధ్య అభిప్రాయబేధాలు తొలిగిపోయాయట. సో.. ఈసారి షారూక్-కాజోల్-కరణ్ కాంబోలో సినిమా రావడం గ్యారెంటీ అనే టాక్ గట్టిగా వినిపిస్తోంది.