Epaper
యువి క్రియేషన్స్, మారుతి ఇంకా మరి కొంత మంది కలిసి సమర్పిస్తున్న చిత్రం టాక్సీవాలా. ఈ సినిమా గ్రాఫిక్స్ లో జాప్యం కారణంగా వెనక్కు వెనక్కు జరుగుతున్న సంగతి తెలిసిందే. అయితే సాహో సినిమా పనిలో బిజీగా వున్న యువి అధినేత వంశీ, దుబాయ్ నుంచి వెనక్కు వచ్చాక టాక్సీవాలా మీద దృష్టి పెట్టారు. ముందుగా చేసిన పని గ్రాఫిక్స్ అప్ టు ది మార్క్ లేవని చెప్పి, మళ్లీ మొదటి నుంచీ వేరే వాళ్ల చేత చేయించడం.
ఆ తరువాత సినిమా ఎడిటింగ్ మీద దృష్టి పెట్టినట్లు తెలుస్తోంది. దర్శకుడు మారుతితో కలిసి, సినిమా మొత్తాన్ని రీ ఎడిట్ చేయించినట్లు తెలుస్తోంది. అవసరం అయినవి వుంచడం, కొన్ని తీసేయడం, ఇలా మొత్తంగా సినిమాను పూర్తిగా సర్వీసింగ్ చేసినట్లు వినికిడి.
దీంతో ఇప్పుడు టాక్సీవాలా ప్రొడక్ట్ కాస్త పద్దతిగా సెట్ అయినట్లు తెలుస్తోంది. గ్రాఫిక్స్ వస్తే, అప్పుడు విడుదలకు సిద్దం అవుతుంది. ఇక విడుదల ప్లానింగ్ లో వున్నారు యువి జనాలు.
అంతకు ముందుగా టాక్సీవాలా హీరో విజయ్ దేవరకొండ నటించిన గీత గోవిందం ఆగస్టు 15 లేదా 20న విడుదల అవుతుంది. టాక్సీవాలాకు ఎస్కేఎన్ నిర్మాతగా వ్యవహరిస్తున్నారు.