కొరటాల ‘బన్నీ’తో చేయడా?

కొరటాల శివ ఈసారి అవుట్ అండ్ అవుట్ కమర్షియల్ సినిమా చేస్తాను అని అనగానే జనాలు అంతా బన్నీతో సినిమా వుండే అవకాశం వుందని ఊహాగానాలు చేసారు, చేస్తున్నారు. అయితే అలా బన్నీతో సినిమా చేయడానికి యాభైశాతం మాత్రమే అవకాశాలు వున్నాయని ఇండస్ట్రీలో గుసగసలు వినిపిస్తున్నాయి.

ప్రస్తుతానికి కొరటాల దగ్గర రెడీమేడ్ సబ్జెక్ట్ అయితే ఏదీలేదని తెలుస్తోంది. కొరటాల శివ మళ్లీ మరో సినిమా చేస్తే దాని అమ్మకాలు కచ్చితంగా నూటపాతిక నుంచి నూట యాభైకోట్ల మేరకు అమ్మకాలు వుంటాయి. ఆ మేరకు వసూళ్లు కూడా రాబట్టగల హీరో వుండాలి. అది కీలకం. అందుకే కొరటాల తరువాత సినిమా మీద ఏ నిర్ణయమూ తీసుకోవడం లేదు.

అయితే బన్నీ వైపు నుంచి తనకు ఒత్తిడి ఎక్కువగా వుందని కొరటాల తన సన్నిహితులతో చెప్పినట్లు తెలుస్తోంది. కాల్స్ ఎక్కువగా వస్తున్నాయని, కొన్ని ఆన్సర్ కూడా చేయలేదని కొరటాల తన సన్నిహితులతో చెప్పినట్లు బోగట్టా. ప్రభాస్ తో చేయడం వీలవుతుందా? అన్నది కొరటాల ఆలోచన అని, లేదూ అంటే మధ్యలో ఓ చిన్న సినిమా చేసే ఆలోచన కూడా వుందని తెలుస్తోంది.

ఈ లెక్కన చూస్తుంటే బన్నీతో కొరటాల సినిమా అన్నది అంత పక్కాకాదని అనిపిస్తోంది.