తేజు ఫిజిక్ మీద శ్రద్ధ పెట్టాలా?

హీరోలంతా సన్నబడుతూ, మేకోవర్ అవుతుంటే, సాయి ధరమ్ తేజ్ మాత్రం రివర్స్ లో వెళ్తున్నాడని ఇండస్ట్రీలో కామెంట్లు వినిపిస్తున్నాయి. అస్సలు తన ఫిజిక్ ను పట్టించుకోవడం లేదని, అందువల్ల కాస్త లావుగా కనిపిస్తున్నాడని దగ్గర నుంచి గమనిస్తున్నవారు అంటున్నారు. ఇలా అయితే కష్టమని వారు ఫీలవుతున్నారు.

లేటెస్ట్ గా తేజ్ అంటూ ఓ సినిమా టీజర్ కూడా వదిలారు. ఎంత ఫీల్ గుడ్ టీజర్ గా చూపించినా, ఈ టీజర్ లో కూడా కాస్త బొద్దుగానే వున్నాడు. అప్పటికి షోల్డర్ల వరకు మాత్రమే క్లోజప్ లు వేసారు, లాంగ్ షాట్ లో ఓ షాట్ వేసారు. ఇలా టీజర్లలలో మేనేజ్ చేయగలరు కానీ, సినిమాల్లో కాదని, తేజుకు తెలిసిన వారు, సన్నిహితులే కామెంట్ చేస్తున్నారు.

ఇకనైనా తేజు తన ఫిజిక్ మీద దృష్టి పెట్టాలని, లేదంటే మిగిలిన హీరోలతో పోల్చుకుంటే కష్టమని కామెంట్లు వినిపిస్తున్నాయి.