Epaper
నా పేరు సూర్య ప్రీ రిలీజ్ ఫంక్షన్ లో బన్నీ ఫాదర్, ఇండస్ట్రీలో పర్సన్ అయిన అల్లు అరవింద్ ఓ బాంబ్ పేల్చారు. నా పేరు సూర్య మీద నెగిటివ్ టాక్ స్ప్రెడ్ టాక్ పుట్టించడానికి, స్ప్రెడ్ చేయానికి కొన్ని శక్తులు ప్రయత్నిస్తాయని, మెగాభిమానులు అంతా ఈ విషయంలో అప్రమత్తంగా వుండాలని, సినిమా బాగుంటే మీరే ఆదరిస్తారని అర్థం వచ్చేలా ఆయన మాట్లాడారు.
ఆ మాటలు అనడానికి ముందు ఇటీవల ఇండస్ట్రీలో తలెత్తిన కొన్ని సంఘటనలు అంటూ, అన్యాపదేశంగా పవన్ కళ్యాణ్ కు చానెళ్లకు మధ్య రగడను, శ్రీరెడ్డి ఇష్యూను మాట్లాడకుండానే గుర్తు చేసేసారు.
పైగా ఇదే సందర్భంలో బన్నీతో ఓ మాట కూడా అన్నారు. ఇది నీకు తెలియని విషయం, తరువాత చెబుతాను అని కూడా చెప్పేసారు. ఇంతకూ అరవింద్ కు తెలిసిన ఆ విషయం ఏమిటి? నా పేరు సూర్య సినిమాపై బ్యాడ్ టాక్ పుట్టించి, దెబ్బతీయాలనుకుంటున్న శక్తులు ఏమిటి? ఇస్యూ అంతా న్యూస్ చానెళ్లకు, మెగా హీరో పవన్ కు మధ్య. మరి ఆ లెక్కన ఈ కుట్ర న్యూస్ చానెళ్లది అని అరవింద్ అనుమానమా? లేక మరింకేదైనా విషయం దాగి వుందా?
లేక, ఇలా చేస్తారనే అనుమానంతో, ముందరి కాళ్లకు బంధం వేయాలని అల్లు అరవింద్ తన తెలివితేటలతో ఓ మాట అనేసి వుంచారా? రేపు తేడా వస్తే, వాళ్ల మీద తోయడానికి పూర్వ రంగం రెడీ చేసి వుంచారని అనుకోవాలా?
రామ్ చరణ్ ఆవేశం
ఇదే ఫంక్షన్ లో హీరో రామ్ చరణ్ కూడా అరవింద్ మాటలకు కొనసాగింపుగా ప్రసంగించారు. ఇండియాలో అవినీతి లేనిది ఒక్క సినిమా ఇండస్ట్రీలోనే అని అన్నారు. ఇక్కడ హీరోలందరూ కష్టపడతారు, గాయాలు కొని తెచ్చుకుంటారు.
అలాంటివాళ్ల మీద ఇష్టం వచ్చినట్లు ప్రచారం చేయడం మంచిది కాదన్నట్లు చరణ్ మాట్లాడారు. ‘మీరూ బతకండి.. మమ్మల్నీ బతకనివ్వండి’ అని మీడియాకు చరణ్ అపీల్ చేయడం అంటే, అరవింద్ చెప్పిన కుట్ర వెనుక మీడియా వుందన్న అభిప్రాయాన్ని చరణ్ బలపర్చినట్లు అయింది.