Epaper
గరుడవేగ సక్సెస్ అయింది. మరి ఆ వెంటనే రాజశేఖర్ ఎందుకు సినిమా ఎనౌన్స్ చేయలేదు. గరుడ వేగ సక్సెస్ ను క్యాష్ చేసుకోడానికి ఎందుకు ప్రయత్నించలేదు. దీనికి కారణం కొత్త కథలు, సరికొత్త క్యారెక్టరైజేషన్ల కోసం రాజశేఖర్ వెయిట్ చేయడమే. ఇప్పుడా టైం వచ్చింది. ఒకేసారి 2ప్రాజెక్టులకు ఓకే చెప్పబోతున్నాడు ఈ హీరో.
'అ!' సినిమాతో దర్శకుడిగా పరిచయమైన ప్రశాంత్ వర్మతో ఓ సినిమా చేయబోతున్నాడట రాజశేఖర్. ప్రస్తుతం వీళ్లిద్దరి మధ్య స్టోరీ డిస్కషన్లు జరుగుతున్నాయి. 'అ!' మూవీ టైపులోనే సరికొత్త కథ, కథనం రాసుకొచ్చాడట ప్రశాంత్ వర్మ. ఐడియా రాజశేఖర్ కు కూడా నచ్చింది. ప్రాజెక్టు దాదాపు సెట్ అయినట్టే.
ఈ ప్రాజెక్టుతో పాటు తెలుగు-తమిళ భాషల్లో ఓ సినిమా ప్లాన్ చేస్తున్నాడు రాజశేఖర్. రజనీకాంత్ కుమార్తె ఐశ్వర్య ధనుష్ ఈ సినిమాకు దర్శకత్వం వహించే అవకాశాలున్నాయి. ప్రస్తుతానికి ఈ రెండు సినిమాలు చర్చల్లో ఉన్నాయి. వీటిలో ఏది ముందు సెట్స్ పైకి వస్తుందనేది తేలాల్సి ఉంది.