Epaper
ఓ వైపు సినిమాకు సంబంధించిన స్టిల్స్ లీక్ అవుతున్నాయి. మరోవైపు సినిమాలో ఫలానా హీరోయిన్ నటించనుందంటూ లీకులు జరుగుతున్నాయి. ఇలా సైరా సినిమాకు సంబంధించి రెగ్యులర్ షూటింగ్ తో పాటు రెగ్యులర్ లీకులు కూడా కామన్ అయిపోయాయి. మొన్నటికిమొన్న నిహారిక ఈ సినిమాలో నటించనుందంటూ వార్తలు వచ్చాయి. ఇప్పుడు తమన్న పేరు తెరపైకి వచ్చింది.
అవును.. సైరా సినిమాలో నయనతారతో పాటు తమన్న కూడా నటించనుందట. సినిమాలో ఆమెది కీలకమైన పాత్ర అని తెలుస్తోంది. బాహుబలిలో ఎలాంటి పాత్ర పోషించిందో, దాదాపు అదే ఛాయల్లో సైరాలో కూడా తమన్న పాత్ర ఉండబోతోందట. ప్రస్తుతానికి ఇది ప్రచారం మాత్రమే. దీనిపై ఇంకా యూనిట్ ఎలాంటి క్లారిటీ ఇవ్వలేదు.
చిరంజీవితో కలిసి నటించాలని తమన్నకు ఎప్పట్నుంచో ఉంది. దీనికి ఓ కారణం కూడా ఉంది. పవన్, చరణ్, బన్నీ.. ఇలా కాంపౌండ్ లో కీలకమైన హీరోలందరితో సినిమాలు చేసింది మిల్కీబ్యూటీ. సో.. చిరంజీవిని కూడా కవర్ చేసేస్తే, కాజల్ తర్వాత ఆ ఘనత దక్కించుకున్న హీరోయిన్ గా నిలిచిపోతుంది.
మరోవైపు షూటింగ్ లొకేషన్ స్టిల్స్ ఎప్పటికప్పుడు సోషల్ మీడియాలో లీక్ అవుతూనే ఉన్నాయి. సభ్యులంతా స్పాట్ కు సెల్ ఫోన్లు తీసుకురావొద్దని ఇప్పటికే యూనిట్ ఆదేశించింది. కానీ లైట్ మేన్ నుంచి ప్రతి ఒక్కర్ని చెక్ చేయలేరు కదా. ఎవరో ఒకరు కాస్త దూరం నుంచి సైరా ఆన్-లొకేషన్ స్టిల్స్ ఫొటోలు తీస్తూనే ఉన్నారు. నెట్ లో పెడుతూనే ఉన్నారు. ఇవి కూడా యూనిట్ ను ఇబ్బంది పెడుతున్నాయి.
ఇవన్నీ ఒకెత్తయితే, సినిమాకు సంబంధించి ఇప్పటివరకు సంగీత దర్శకుడ్ని ఫిక్స్ చేయకపోవడం అందర్నీ ఆందోళనకు గురిచేస్తోంది. బాలీవుడ్ సంగీత దర్శకుడు అమిత్ త్రివేది పేరు తెరపైకి వచ్చినప్పటికీ, ఈ మేటర్ ను ఇంకా పక్కా చేయలేదు యూనిట్. ఇది కూడా ప్రస్తుతానికి ఓ లీక్ గానే మిగిలిపోయింది.