Epaper
అల్లు అర్జున్ హీరోగా నటిస్తున్న నా పేరు సూర్య సినిమాకు సంబంధించి లో-బజ్ నడుస్తోంది. ఈ విషయంలో తప్పు యూనిట్ ది కాదు. ఆ సినిమా స్టోరీ అలాంటిది. ఎట్టకేలకు ఈ సినిమాకు సంబంధించి ఓ ఇంట్రెస్టింగ్ న్యూస్ బయటకొచ్చింది. అదే టన్నెల్ ఫైట్. సినిమాలో ఇదే పెద్ద హైలెట్ అంటున్నారు.
కథ ప్రకారం… ఓ సొరంగంలో వచ్చే యాక్షన్ బ్లాక్ టోటల్ సినిమాకే హైలెట్ అంటున్నారు. ఇంటర్వెల్ బ్యాంగ్ లో ఈ ఫైట్ వస్తుందట. ఈ ఫైట్ కోసం అన్నపూర్ణ స్టుడియోస్ లో భారీ సెట్ వేశారు. ఆ సెట్ లోనే ఈ ఫైట్ తీశారు. చూస్తే ఇది సెట్ అనే ఫీలింగ్ రాదట. ఇక యాక్షన్ కొరియోగ్రఫీ కూడా హాలీవుడ్ రేంజ్ లో ఉందట.
పాపం… ఈ మూవీకి క్రేజ్ తీసుకురావాలని చాలా ప్రయత్నిస్తున్నారు మేకర్స్. కానీ రెస్పాన్స్ మాత్రం అంతంతమాత్రంగానే ఉంటోంది. దీనికి తోడు ఇప్పటికే విడుదలైన 2 పాటలు పెద్దగా ఆకట్టుకోలేకపోయాయి. ఇలాంటి టైమ్ లో వచ్చిన ఈ టన్నెల్ ఫైట్ వార్త సినిమాను కాస్త పైకి లేపింది. అసలు ఇలాంటి వార్తలు లీక్ చేసేకంటే.. ఇలాంటి సినిమాలకు ఆ ఫైట్ సీక్వెన్స్ తోనే ప్రచారం చేస్తే బాగుండేది. రొటీన్ గా పాటలతోనే ప్రమోషన్ షురూ చేశారు.
వక్కంతం వంశీ దర్శకుడిగా పరిచయమవుతున్న ఈ సినిమాకు విశాల్-శేఖర్ సంగీతం అందిస్తున్నారు. అను ఎమ్మాన్యుయేల్ హీరోయిన్ గా నటిస్తోంది. మే 4న నా పేరు సూర్య సినిమా థియేటర్లలోకి రానుంది.