Epaper
బ్యాక్ టు బ్యాక్ రెండు మాంచి కమర్షియల్ సినిమాలు అందించారు ఏస్ డైరక్టర్ త్రివిక్రమ్, మాస్ హీరో బన్నీ కలిసి. ఇక ఈ కలయికలో ఇప్పట్లో సినిమా రానట్లే. వాస్తవానికి అ..ఆ తరువాతే ఈ ఇద్దరి కాంబినేషన్ లో సినిమా రావాల్సింది. అప్పట్లో త్రివిక్రమ్ కు గ్యాప్ వచ్చింది. బన్నీకి డైరక్టర్ ఎవరూ కనిపించలేదు.
కానీ 2016 సెప్టెంబర్ నుంచి ఈ నెలలో డేట్ లు తీసుకోండి, వచ్చే నెలలో డేట్లు తీసుకోండి అంటూ పవన్ చెబుతూ వచ్చారు. త్రివిక్రమ్ అలా ఆగుతూ వచ్చారు. ఈ నవంబర్ కు కానీ సినిమా వచ్చేలా లేదు. అంటే ఏడాది పట్టింది ఆ సినిమాకు.
నిజానికి అప్పుడే అనుకుని వుంటే బన్నీ-త్రివిక్రమ్ సినిమా రెడీ అయిపోయేది. కానీ ఎందుకో అలా జరగలేదు. పవన్ కావాలనే త్రివిక్రమ్ ను బన్నీ వైపు వెళ్లకుండా ఆపారని అప్పట్లో గుసగుసలు బలంగా వినిపించాయి.
ఇక తప్పనిసరి పరిస్థితుల్లో హరీష్ శంకర్ తో సినిమా చేసాడు బన్నీ. ఇప్పుడు బన్నీకి పవర్ స్టార్ అభిమానులకు, అలాగే బన్నీకి మెగా అభిమానులకు మధ్య దూరం భయంకరంగా పెరిగిపోయింది. ఇలాంటి టైమ్ లో పవన్ కు ఆత్మ పరమాత్మ టైపు అయిన డైరక్టర్ త్రివిక్రమ్ కోరి బన్నీతో సినిమా చేస్తాడా? అన్నది అనుమానం.
పైగా ఇప్పుడు ఆయన ఎన్టీఆర్, మహేష్ లతో సినిమాలు కమిట్ అయివున్నారు. అంటే మరో ఏణ్ణర్థం వరకు బిజీ. మరి ఆ తరువాత ఏమిటో పరిస్థితి. ఎన్నికలు వస్తాయి. పవన్ అటు వెళ్తారు. అప్పటికైనా మరి త్రివిక్రమ్ బన్నీ దగ్గరకు వస్తారా? అనుమానమే.