కమాల్ రషీద్ ఈ సారి బన్నీపై

కమాల్ రషీద్ ఖాన్. బాలీవుడ్ ట్విట్టర్ వీరుడు. అడ్డగోలుగా ఎదుటివారిని విమర్శించడంలో ఘనాపాఠి. ఆ మధ్య పవన్ ను, ప్రభాస్ ను ఇష్టం వచ్చినట్లు విమర్శించిన ఇతగాడు, ఇప్పుడు అల్లు అర్జున్ ను టార్గెట్ చేసాడు.

'ఇతగాడు టాలీవుడ్ లో పెద్ద స్టార్ అంట. ఎవరో చెప్పారు అని వ్యంగ్యంగా అంటూనే, అల్లు బదులు, ఆలూ అని సంబోధిస్తూ, చిన్న చిన్న పాత్రలు కావాలంటే బాలీవుడ్ కు రా అంటూ సలహాపడేసాడు.

దీంతో ట్విట్టర్ లో బన్నీ అభిమానులు, తెలుగు సినిమాల అభిమానులు ఓ రేంజ్ లో వేసుకున్నారు అతగాడిని. అయితే ఇలాంటి వాళ్లకి తిరిగి గట్టి జవాబు ఇస్తే చాలదు. వీళ్ల తమ ఫాలోవర్ల సంఖ్యను చూసి, అది బలుపు అనుకుని, ఇలా చిత్తం వచ్చినట్లు కామెంట్లు చేస్తుంటారు.

అందుకని ఒక్కొక్కళ్లుగా అన్ ఫాలో చేస్తుంటే తప్ప దారికి రారు. కానీ మన జనాలు కూడా ఇలాంటి ట్వీట్లు చేసే వాళ్లనే ఫాలో అవుదాం అని చూస్తారు. అందుకే ఈ వీక్ నెస్ చూసి, వాళ్లు అలా రెచ్చి పోతుంటారు.