డిజె నిడివి ఎంత?

దువ్వాడ జగన్నాధమ్ సినిమా సెన్సారు పూర్తయిపోయింది. సెన్సారు టాక్ అంటూ రకరకాల సంగతులు చక్కర్లు కొడుతున్నాయి. అదంతా వేరే సంగతి. అయితే సినిమా నిడివి ఎంత అన్నది అసలు క్వశ్చను.

ఎందుకంటే ఈ రోజుల్లో ప్రేక్షకులు మరీ ఎక్కువ నిడివి వుంటే కుర్చీల్లో కాస్త ఇబ్బందిగా కదులుతున్నారు. వాట్సప్ లు, ఫేస్ బుక్ లు ఓపెన్ చేస్తున్నారు. అయితే నిడివి ఎక్కువైనా హిట్ అయిన సినిమాలు ఈ మధ్య చాలానే వున్నాయి.

అయితే నిడివి ఎక్కువ వున్నా, విషయం వుండాలి. అది కీలకం.. ఇంతకీ డిజె నిడివి ఎంత? అన్నది పాయింట్. డిజె నిడివి రెండు భాగాలు కలిపి రెండు గంటల నలభై నిమషాలు అని ఓ టాక్ వినిపిస్తోంది.

తొలి సగం ఒక గంటా 23 నిమషాలు అని తెలుస్తోంది. అలాగే మలి భాగం ఒక గంటా 12 నిమషాలు వుంటుందని అంటున్నారు. అంటే అన్నీ కలిపి రెండు నలభై నిమషాలు వుంటుందంటున్నారు.

సినిమాలో ఓ పాటకు అభిమానులు లేచి మరీ చిందులేస్తారని తెలుస్తోంది. ఆ పాటలో గ్రాఫిక్స్ వగైరా బాగున్నాయట. ఏది నిజమో మరింత క్లారిటీ రావాల్సి వుంది.