Epaper
‘బాహుబలి’ తర్వాత బాలీవుడ్ లోకి ప్రభాస్ ఎంట్రీ ఎప్పుడెప్పుడు ఉంటుందా? అనేది ఒక పెద్ద ప్రశ్నగా మారింది. ప్రభాస్ న్యాచురల్ ఫిజిక్ కు, బాహుబలితో వచ్చిన క్రేజ్ కు బాలీవుడ్ మంచి వేదిక అవుతుందని అనేక మంది అభిప్రాయపడుతూ ఉన్నారు.
ఈ క్రమంలో బాహుబలి తర్వాత ప్రభాస్ బాలీవుడ్ లో సినిమా చేయబోతున్నాడంటూ కూడా వార్తలు వచ్చాయి. కరణ్ జొహార్ ప్రభాస్ ను బాలీవుడ్ లో ప్రమోట్ చేయబోతున్నాడనే మాట వినిపించింది. అయితే అది అంతటితోనే ఆగిపోయింది. కట్ చేస్తే.. ఇప్పుడు ప్రభాస్ హీరో గా ఒక సినిమా ప్రతిపాదన వార్తల్లోకి వచ్చింది.
అది కూడా మల్టీ స్టారర్ సినిమా. సల్మాన్ ఖాన్, ప్రభాస్ లు కలిసి ఒక సినిమా చేయబోతున్నారనే మాట వినిపిస్తోంది. ఈ సినిమా దర్శకుడు రోహిత్ షెట్టి ఆలోచనగా తెలుస్తోంది. బాలీవుడ్ లో ఈ దర్శకుడి నేపథ్యం గురించి వివరించనక్కర్లేదు.
అటు మాస్ మసాలాలను, ఇటు స్టార్ హీరోలతో కామెడీ సినిమాలను చేయడంలో అందెవేసిన చెయ్యి ఈ దర్శకుడిది. ఈ క్రమంలో సల్లూ, ప్రభాస్ ల కాంబోలో ఒక సినిమాను రూపొందించే ప్రతిపాదన రోహిత్ షెట్టి వద్ద ఉందని తెలుస్తోంది. అయితే ఈ సినిమాను పట్టాలెక్కించాలంటే బడ్జెట్ పెద్ద సమస్య కావొచ్చు.
అటు సల్మాన్, ఇటు ప్రభాస్ ఇద్దరూ భారీ పారితోషకం డిమాండ్ చేసే అవకాశం ఉంది. అయితే బాలీవుడ్ స్టార్ హీరో, బాహుబలి స్టార్ హీరో కాంబోలో సినిమా వస్తే.. అది ఇండియాలోనే అత్యంత క్రేజీ మూవీ అవుతుందనడంలో సందేహం లేదు. ప్రస్తుతం సల్మాన్ తన కమిట్ మెంట్స్ తో బిజీగా ఉండగా, ప్రభాస్ సాహో చేస్తున్నాడు. ఈ సినిమాను హిందీలో కూడా విడుదల చేయనున్నారు.