Epaper
సినిమాలకు టైటిళ్లు పెట్టడంలో డైరక్టర్ మారుతి కి మాంచి టాలెంట్ వుంది. ఈ రోజుల్లో దగ్గర నుంచి భలే భలే మగాడివోయ్ వరకు అన్నీ సూపర్ టైటిళ్లే. ఇప్పుడే లెటెస్ట్ గా మహానుభావుడు టైటిల్ లో సినిమా రెడీ అవుతొంది. ఇదిలా వుంటే దిగ్దర్శకుడు బాలచందర్ రెండు సినిమా టైటిళ్లను ఒకటి చేసి ఓ కొత్త టైటిల్ పెట్టాడట మారుతి.
తను కథ, అందిస్తూ నిర్మాణం వ్యవహారాలు చూసుకుంటున్న ఓ సినిమాకు ఆకలి రాజ్యంలో అంతులేని కథ అని టైటిల్ ఫిక్స్ చేసాడట. ఇద్దరు కొత్త కుర్రాళ్లను హీరోలుగా పరిచయం చేస్తూ, మరో యంగ్ డైరక్టర్ తో తాను నిర్మాతగా ఈ సినిమా చేసేస్తున్నారట. సైలెంట్ గా దాదాపు యాభై శాతం నిర్మాణం పూర్తి చేసేసుకుందట ఈ సినిమా.
ఆ మధ్య రోజులు మారాయి సినిమా అందించిన మురళి ఈ సినిమాకు దర్శకత్వం వహిస్తున్నారు. ఇద్దరు కుర్రాళ్లతో కూడిన యూత్ ఫుల్ సబ్జెక్ట్ తో ఈ సినిమాకు మారుతి కథ అందించినట్లు తెలుస్తోంది. ఆకలి రాజ్యంలో అంతులేని కథ అని టైటిల్ పెట్టడంలోనే యూత్ ఫుల్ అండ్ కాంటెంపరరీ వ్యవహారం అని తెలిసిపోతొంది. మరి సబ్జెక్ట్ ఎలా వుంటుందో చూడాలి.