హీరో భార్య పై కన్నేసిన ఇండస్ట్రీ!

ఏదేమైనా షాహిద్ కపూర్ లక్కీ ఫెలో. ఇతడు హీరోగా ఎదిగి వచ్చిన తీరు కానీ.. జీవితంలో ఇతడికి దొరుకుతున్న అవకాశాలు కానీ.. ఇతడిని లక్కీ అని నిరూపిస్తూ ఉంటాయి. ఇతడిని వదులుకున్న వారు ఎలా పోయినా.. ఇతడికి మాత్రం అంతా మంచే జరుగుతోంది. ఇతడి క్రేజ్ ఎప్పటికప్పుడు పెరుగుతూ పోతోంది. కరీనా కపూర్ లాంటి లవర్ ను పోగొట్టుకున్నోడు.. ఏం లక్కీ ఫెలో అంటారా? అవును.. కరీనా పోతనేం, ఇతడికి మీరా దొరికింది. వివాహం తర్వాత షాహిద్ కపూర్ పై మరింత క్రేజ్ ను పెంపొందించిందామె. పెళ్లికి ముందు మీరా ఎవరో ఎవరికీ తెలియదు కానీ.. ఇప్పుడు మాత్రం మీరా రాజ్ పుత్ పేరు మార్మోగిపోతోంది.

ఎంత వరకూ వచ్చిందంటే.. మీరాను హీరోయిన్ గా నటింపజేసేందుకు కొంతమంది బాలీవుడ్ వాలాలు ప్రయత్నాలు ప్రారంభించారు! ఆమె ఓకే అంటే కోట్ల రూపాయలు ఇచ్చి నటింపజేయడానికి వారు సిద్ధం అంటున్నారు. అయితే ఈ ప్రతిపాదనకు మీరా నో చెబుతోంది. కొంతమంది తెలివైన వాళ్లు.. షాహిద్ సరసన హీరోయిన్ గా నటించమని ఆమెను కోరుతున్నారు. భర్త సరసన అయితే నటిస్తుందేమో అనేది వారి ఆశ. దీనికి కూడా ఆమె కాదనడంతో.. ఎలాగైనా ఆమెను ఒప్పించడానికి వారు ప్రయత్నాలు కొనసాగిస్తున్నారని సమాచారం. చాలా మంది హీరోలు హీరోయిన్లను పెళ్లి చేసుకుంటే.. షాహిద్ మాత్రం హీరోయిన్ లాంటి అమ్మాయిని పెళ్లి చేసుకున్నాడు. తను కరీనాను మిస్ చేసుకున్నా ఆమెకు తీసిపోని అమ్మాయిని తోడుగా తెచ్చుకోగలిగాడు. ఆమె ను బాలీవుడ్డే ఆరాధిస్తోందిప్పుడు.. షాహిద్ ను కాదని వెళ్లిన హీరోయిన్లలో అసూయను రేకెత్తించే అంశమే ఇది!