రాజు సుందరం కోరిక తీరేనా?

కొరియోగ్రాఫర్ గా ఫుల్ బిజీ. అయినా కూడా అన్న ప్రభుదేవా మాదిరిగా తనూ డైరక్టర్ కుర్చీలోకి వెళ్లిపోవాలని కోరిక రాజు సుందరానికి. అప్పటికీ ఎప్పడో పదేళ్ల క్రితం తమిళంలో ఓ సినిమా ట్రయ్ చేసాడు. కానీ పెద్దగా లాభం లేకపోయింది. అన్న మాదిరిగానే తెలుగులో డైరక్షన్ చేసి హిట్ లు కొట్టాలనుకుంటున్నారు.

ఆ మధ్య పవర్ స్టార్ పవన్ కళ్యాణ్ కు కథ చెప్పాడు. కొన్నాళ్లు అక్కడ వర్క్ చేసాడు. కానీ మళ్లీ ఏమయిందో తెలియదు. వ్యవహారం మొదటికి వచ్చింది. ఇప్పుడు రాజు సుందరం ఎకె ఎంటర్ టైన్ మెంట్స్ లోకి వచ్చారు. అనిల్ సుంకరకు ఓ కథ చెప్పారు. సో డిస్కషన్లు ప్రారంభమయ్యాయి.

చిన్న, మీడియం సినిమాలు, కొత్త దర్శకులతో చేస్తున్న ఎకె ఎంటర్ టైన్ మెంట్స్ లో రాజు సుందరం కోరిక తీరేలా వుందని తెలుస్తోంది. ఓ మిడిల్ రేంజ్ హీరోకి కథ చెప్పే ప్రయత్నంలో రాజు సుందరం వున్నట్లు వినికిడి.