ఫ్లయింగ్ సాసర్ లో మెగాస్టార్

హాయ్ లాండ్ లో ఖైదీ ప్రీ సక్సెస్ మీట్ కు భారీ ఏర్పాట్లు జరుగుతున్నాయి. మరి ఇంతకీ సినిమాల్లో హీరో ఎంట్రీ అంటే సూపర్ గా ప్లాన్ చేస్తారు. ప్రీ సక్సెస్ మీట్ లో మెగాస్టార్ ఎంట్రీ ఎలా వుంటుంది? అదే ఈ ఎక్స్ క్లూజివ్ అప్ డేట్.

ఖైదీ ప్రీ సక్సెస్ మీట్ వేదిక మీదకు మెగాస్టార్ యుఎఫ్ఓ లో దిగుతారు. యుఎఫ్ఓ అంటే అన్ ఐడెంటిఫైడ్ ఫ్లయింగ్ ఆబ్జెక్ట్. ఆకాశంలో అప్పుడప్పుడు ఎగిరేపళ్లాలు, ఫ్లయింగ్ సాసర్లు ఇలా రకరకాల పేర్లతో గ్రహాంతర వాసుల వాహనాలను గుర్తిస్తుంటారు. ఇప్పుడు మెగాస్టార్ ఖైదీ ప్రీ సక్సెస్ మీట్ లోకి ఇలాంటి దాంట్లో దిగుతారట. అంటే ఈ విధమైన ఎఫెక్ట్ వచ్చే ఏర్పాటు చేస్తున్నారట. అంటే మరి గాల్లో వైర్లు కట్టి, ఆర్టిఫిషియల్ వెహికల్ తయారు చేసి, దాంట్లో ఆయన దిగేలా చేస్తారో? మరే విధమైన టెక్నాలజీ వాడతారో ఇంకా తెలియాల్సి వుంది. 
కానీ మెగా ఎంట్రీ మాత్రం ఓ లెవెల్ లో గ్రాండ్ గా వుండేలా మాత్రం ఏర్పాటు జరుగుతోందట.