Epaper
హిందీలో ‘దంగల్’ రూపొందిన ఆమిర్ ఖాన్ సినిమాను తెలుగు, తమిళ భాషల్లోకి అనువదిస్తున్న సంగతి తెలిసిందే. ఈ మధ్య హిందీ వాళ్లు ప్రతిష్టాత్మకంగా తీసుకొంటున్న కొన్ని సినిమాలు దక్షిణాది భాషల్లోకి అనువాదం అయ్యి, భారీ వసూళ్లను సాధించిన దాఖలాలు కూడా ఉన్నాయి.
ఈ నేపథ్యంలో ఆమిర్ ఖాన్ సినిమా కూడా అనువాదం అవుతోంది. మరి ఈ సినిమా వచ్చింది, వెళ్లింది అన్నట్టుగా కాకుండా… దక్షిణాదిలో తనకున్న పరపతిని ఉపయోగించుకుని ఆ సినిమాపై జనాల్లో ఆసక్తిని రేకెత్తించడానికి ప్రయత్నిస్తున్నాడు. అందుకోసం ఒక ఆసక్తికరమైన ఎత్తుగడే వేశాడట.
‘దంగల్’ తమిళ వెర్షన్ కు సూపర్ స్టార్ రజనీకాంత్ తో డబ్బింగ్ చెప్పించాలని భావించాడట ఆమిర్. ఈ విషయంలో సూపర్ స్టార్ ను రిక్వెస్ట్ కూడా చేసుకున్నాడట. అయితే దానికి రజనీ నో చెప్పినట్టు సమాచారం. దీంతో తన సినిమాకు తమిళనాట సూపర్ స్టార్ ద్వారా హైప్ తీసుకురావడానికి ఆమిర్ వేసిన ఎత్తుగడలు సక్సెస్ కాలేదట.
ఒకవేళ ‘దంగల్’ కు రజనీ గొంతు అరువిచ్చి ఉంటే.. అరవ జనాల మధ్య ఆ సినిమా కు క్రేజ్ బాగా పెరిగేది. కానీ ఆమిర్ కు కలిసి రాలేదు. 90లలో సూపర్ స్టార్ ,ఆమిర్ లు కలిసి ఒక సినిమాలో కలిసి నటించారు కూడా. . అయితే ఎందుకో.. ఇప్పుడు రజనీ ఆసక్తి చూపలేదు! ఆసక్తికరమైన విషయం ఏమిటంటే రోబో-2 లో మొదట విలన్ గా ఆమిర్ ను చేయమని అడిగాడట దర్శకుడు శంకర్. దానికి అతడు సమ్మతించలేదు. చివరకు ఆ అవకాశం అక్షయ్ వద్దకు వెళ్లింది.