సింగంను రిక్వెస్ట్ చేస్తున్న ధృవ?

సింగం 3 సినిమా సర్రున చూసుకువస్తోంది. డిసెంబర్ 16ను ముహుర్తంగా అనుకుంటున్నారు. అయితే ఆ సినిమాను 23కు మార్చుకోమని అల్లు అరవింద్ ఆ సినిమా నిర్మాత జ్ఞాన్ వేల్ రాజా, హీరో సూర్య లను అడుగుతున్నట్లు తెలుస్తోంది. ఎందుకంటే ధృవ సినిమాకు డిసెంబర్ 2న విడుదల అనుకున్నారు. కానీ కుదరడం లేదు. 9న విడుదల చేద్దాం అంటే వారం తిరగకుండా సింగం 3 వస్తోంది. ఎంత కాదనుకున్నా సూర్య సినిమాకు మాస్ లో కాస్తన్నా హడావుడి వుంటుంది. అందుకే అల్లు అరవింద్ ఆ సినిమాను ఓ వారం వెనక్కు జరపాలని చూస్తున్నారట. సింగం 3 నిర్మాత జ్ఞాన్ వేల్ రాజాతో అల్లు అరవింద్ కు వ్యాపార బంధాలు వున్నాయి. పైగా ఆయన త్వరలో బన్నీతో సినిమా చేయబోతున్నారు. కానీ సూర్య కూడా ఓకె అనాల్సి వుంది. పైగా తమిళనాట డేట్ల పరిస్థితి కూడా చూసుకోవాల్సి వుంది. ఒకవేళ అలా వెనక్కు వెళ్లడం కుదరకపోతే, ధృవనే 23 లేదా 1 కి మార్చాలని చూస్తున్నట్లు తెలుస్తోంది.