ఆసక్తిగానే వుందిగా..ఇపిసి ట్రయిలర్

ఎక్కడికిపోతావు చిన్నవాడా..మరో రోజులో ప్రేక్షకుల ముందుకు వస్తోంది. సాధారణంగా కాస్త అడ్వాన్స్ గా విడుదల చేసే ట్రయిలర్ ను, జస్ట్ 48 గంటల ముందు విడుదల చేసారు. ట్రయిలర్ కచ్చితంగా ఆసక్తికరంగా వుంది. సబ్జెక్ట్ ను కాస్త వెల్లడి చేస్తూనే, సినిమాలో ఇంట్రెస్టింగ్ సీన్లు అన్నీ అలా అలా టచ్ చేసుకుంటూ టచ్ చేసిన ట్రయిలర్ ఓకే అనేలాగా వుంది.  హీరోయిజం ఎలివేట్ చేయడం కన్నా, సినిమాపై ఆసక్తిని పెంచే విధంగా వుంది. లోకేషన్లు, విజువల్స్ ఆ దిశగా డ్రయివ్ చేస్తున్నాయి. ట్రయిలర్ హీరోకు వున్న ఒక్క డైలాగు మరోసారి కార్తికేయను గుర్తుకు తెచ్చింది. ట్రయిలర్ లో థ్రిల్లర్, యాక్షన్, క్యూరియాసిటీ అన్నీ వున్నాయి. మరి హీరో హీరోయిన్ల రొమాన్స్, డ్యూయట్ ల టచ్ సంగతి మాత్రం దాచేసినట్లున్నారు.