హీరోయిన్.. 40 కోట్ల విలువైన గిఫ్ట్ ఇచ్చింది!

తన తల్లిదండ్రులకు భారీ గిఫ్ట్ ను ప్రజంట్ చేసింది దీపికా పదుకునే. హీరోయిన్ గా టాప్ గేర్ లో ఉన్న ఈ భామ వారికి రూ.40 కోట్ల రూపాయలకు కొన్న ఒక ఫోర్ బెడ్ రూమ్ ఫ్లాట్ ను కానుకగా ఇచ్చింది. ముంబైలోని ప్రభాదేవి సమీపంలోని ఒక టవర్ లో నివాసం ఉంటుంది దీపిక. ఆమె నివసిస్తున్న ఆ ఫ్లాట్ ధర రూ.16 కోట్ల రూపాయలు.

అయితే అదే టవర్స్ లో ఇంతకు మించిన విలువ ఉండే ఫ్లాట్ ను కొనింది దీపిక. మరి అదెవరి కోసం అని ఆరా తీస్తే పేరెంట్స్ కోసమని తెలుస్తోంది. తను ఉంటున్న ఇంటి కన్నా రెట్టింపుకు మించి డబ్బును పెట్టి పేరెంట్స్ కోసం ఇంటిని కొనింది దీపిక. దీపిక తండ్రి ప్రకాష్ పదుకునే బ్యాడ్మింటన్ ఆటగాడిగా ప్రసిద్ధుడే. 

తల్లిదండ్రులకు ఘనమైన గిఫ్ట్ ను ఇవ్వడంతో పాటు.. తన సమీపంలోనే వారూ ఉండేలా చూసుకుంటున్న దీపిక అభినందనీయురాలే.