పూరి అంత మారిపోయారా?

ఎవరు ఇజమ్ సినిమా గురించి అడిగినా హీరో కళ్యాణ్ రామ్ ముందుగా కామన్ గా ఒక మాట మాత్రం చెబుతున్నాడట. ఈ సినిమాతో మళ్లీ అమ్మనాన్న తమిళమ్మాయి నాటి పూరి జగన్నాధ్ ను చూస్తారు అని. ఇటీవలి కాలంలో తన సినిమాల్లో రఫ్ నెస్ పెరిగిందన్న టాక్ పూరి జగన్నాధ్ దృష్టికి కూడా వచ్చిందట. 

అందుకే ఆయన ఈ సినిమా విషయంలో అలాంటి వాటినన్నింటినీ దూరం పెట్టారని కళ్యాణ్ రామ్ చెబుతున్నాడు. సెన్సార్ వాళ్లు కేవలం ఒక్క డైలాగ్ మాత్రం కట్ చేసి య/ఎ సర్టిఫికెట్ ఇచ్చారంటేనే అర్థం చేసుకోవచ్చు, పూరి ఎంత మారిపోయారో అని ఆయన అంటున్నారు. 

ఆ డైలాగ్ కూడా శ్రీశ్రీ మహా ప్రస్థానంలోని ' దొంగ లంఝా కొడుకులు అసలే మసిలే ధూర్తలోకం' అన్నదట. మరి కళ్యాణ్ మరీ అంత కాన్ఫిడెంట్ గా చెబుతున్నారంటే, పూరి నిజంగా మారిపోయారేమో అనిపిస్తోంది. సినిమా చూస్తే కన్ ఫర్మ్ చేసుకోవచ్చు.