కృష్ణాష్టమికి ఓపెనింగ్స్ ఓకె

సునీల్ హీరోగా నటించిన కృష్ణాష్టమి ఫలితం ఎలా వున్నా, తొలి రోజు వసూళ్లు బాగానే వచ్చాయి. సినిమా తీయడం ఎలా వున్నా, ఓపెనింగ్స్ వుంటాయో వుండవో అని టెన్షన్ పెరిగిపోయింది ఇటీవల నిర్మాతలకు. ఎంత పబ్లిసిటీ చేసినా,కొన్ని సినిమాలకు ఓపెనింగ్స్ రావడం లేదు. ఎందుకు రావడం లేదన్నది పెద్ద ప్రశ్నగా మారిపోతోంది. 

సినిమా బాగా లేకుంటే మాట్నీ నుంచో, మర్నాటి నుంచొ డల్ కావడం వేరు.. ఓపెనింగ్స్ రావకపోవడం వేరు. అదృష్టవశాత్తూ సునీల్ సినిమాకు సమీక్షలు అంత బాగా రాకున్నా, ఓపెనింగ్స్ మాత్రం బాగానే వున్నాయి. దగ్గర దగ్గర మూడున్నర కోట్ల వరకు ఓపెనింగ్ కలెక్షన్లు వచ్చినట్లు ట్రేడ్ వర్గాల బోగట్టా. కలెక్షన్లు పడిపోకుండా మరో రెండు రోజులు నిలబడగలిగితే బాగానే వుంటుంది.