మహేష్- మురగదాస్..నిర్మాత ఎవరు?

మహేష్ తరువాతి సినిమాకు నిర్మాత ఎవరు? బ్రహ్మోత్సవం తరువాత సూపర్ స్టార్ మహేష్ టాప్ డైరక్టర్లలో ఒకరైన మురగదాస్ డైరక్షన్ లో చేస్తారని ఫిక్సయిపోయింది. బ్రహ్మోత్సవం సినిమా పివిపి సంస్థతో పార్టనర్ షిప్ లో తయారవుతోంది. మరి మురగదాస్ తో చేసే సినిమాకు ఎవరు నిర్మాత? మహేష్ దగ్గర చాలా మంది అడ్వాన్స్ లు వున్నాయని వినికిడి. 

అయితే హారిక హాసిని రాధాకృష్ణ వెనక్కు తీసుకున్నారు. అశ్వనీదత్ ఎప్పటి నుంచో వెయిటింగ్.  మైత్రీ మూవీస్ మాదిరిగా కొంత మంది కొత్త నిర్మాతలతో ఓ సినిమా చేస్తున్నట్లు ఆ మధ్య వార్తలు వచ్చాయి. అది ఇదేనా కాదా అన్నది ఇంకా తెలియదు. ఇదిలా వుంటే సూపర్ గుడ్ ఫిలింస్ ఆర్ బి చౌదరి దగ్గర కూడా మహేష్ డేట్స్ వున్నట్లు తెలుస్తోంది. 

మురగదాస్ తో మహేష్ సినిమాను రెండు భాషల్లో చేస్తారని ఓ టాక్. రెండు చోట్లా మహేష్ నే హీరో కావచ్చు. ఓ భాషా చిత్రాన్ని సూపర్ గుడ్ ఫిలింస్ నిర్మించే అవకాశం వుందనీ టాక్. ఏది అయినా మహేష్ నిర్మాణాలన్నింటిలో ఆయన స్వంత భ్యానర్ భాగస్వామ్యం మాత్రం వుంటుంది.