విలన్ గా రాజశేఖర్?

రాజశేఖర్ హీరోగా నటించి చాన్నాళ్లయింది. ఆ మధ్య హీరోకు తక్కవ, క్యారెక్టర్ కు ఎక్కువగా ఓ సినిమా ట్రయ్ చేసినా నడవలేదు. రామ్ గోపాల్ వర్మతో ఓ సినిమా చేసారు..అది విడుదలకు నోచుకోలేదు. ఇప్పుడు ప్రయత్నించకుండానే రాజశేఖర్ ముంగిటకు ఓ అవకాశం వచ్చినట్లు వినికిడి. రాయలసీమ బ్యాక్ డ్రాప్ లో తీసే ఓ మాంచి ఎమోషనల్ కథలో విలన్ గా చేస్తారా అని రాజశేఖర్ ను ఓ దర్శకుడు అప్రోచ్ అయినట్లు తెలుస్తోంది. 

దీనికి రాజశేఖర్ కూడా గ్రీన్ సిగ్నల్ ఇచ్చేసినట్లు వినికిడి. స్క్రిప్ట్ అంతా రెడీ అయిన తరువాత, పక్కగా ఒకసారే అనౌన్స్ చేయాలని, అంతవరకు గోప్యంగా వుంచుతున్నాడట ఆ దర్శకుడు. జగపతిబాబు కెరీర్ విలన్ పాత్రతో టర్న్ అయినట్లు రాజశేఖర్ పాత్ర కూడా టర్న్ అవుతుందేమో ఆ సినిమాతో. చూడాలి మరి.