మణిరత్నం సినిమా అప్పుడే టీవీలో వచ్చేస్తోంది..!

విడుదలై కొన్ని రోజుల్లోనే టెలివిజన్ లలో టెలికాస్ట్ అవుతున్న సినిమాల జాబితాలో నిలుస్తోంది మణిరత్నం సినిమా 'ఓకే బంగారం'. దుల్కర్ సల్మాన్ , నిత్యామీనన్ లు హీరోహీరోయిన్లుగా నటించగా.. తమిళం నుంచి అనువాదం అయిన లెజండరీ దర్శకుడి సినిమా వచ్చేవారంలో టెలివిజన్ లో ప్రసారం చేయనున్నారు. జీ నెట్ వర్క్ వారు ఈ సినిమా శాటిలైట్ రైట్స్ ను పొందినట్టుగా తెలుస్తోంది.  వచ్చే వారంలో ఈ సినిమాను ప్రసారం చేయనున్నారు. 

చాలా సంవత్సరాల తర్వాత మణికి ఊరటనిచ్చిన సినిమా 'ఓకే బంగారం'. ఇది తమిళ, తెలుగు భాషల్లో కమర్షియల్ గా వర్కవుట్ అయ్యింది. తెలుగులో ఈ సినిమాను దిల్ రాజు డబ్బింగ్ చేసి విడుదల చేశాడు. ప్రత్యేకించి మణి అభిమానులను, యువతను బాగా ఆకట్టుకొంది ఈ సినిమా. మరీ మణిరత్నం తీసిన క్లాసిక్స్ స్థాయిలో కాదు కానీ.. వరస ఫెయిల్యూర్లలో ఉన్న మణికి ఊరటనిస్తూ. . ఆయనను ఈ తరం యువతలోకి టక్ లోకి తెచ్చింది 'ఓకే బంగారం'.

ఈ సినిమాకు టెలివిజన్ లో ఆడే సత్తా ఉంది. థియేటర్లలో కన్నా.. టెలివిజన్ లో ఎక్కువమంది ప్రేక్షకులను ఆకట్టుకొనే సత్తా ఉన్న  సినిమాలు కదా ఇవి!