శంకర్ మాటతో ఊహాగానాలు

ఎప్పటికైనా తెలుగులో సినిమా చేస్తానని దిగ్దర్శకుడు శంకర్ అనడం కాదు కానీ, హీరోల కన్నా వారి అభిమానులు ఎక్కువ ఊహించేసుకుంటున్నారు. శంకర్ డైరక్ట్ చేసే స్థాయి సినిమా అంటే మహేష్ మాత్రమే సూటబుల్ అని సూపర్ స్టార్ అభిమానులు అంచనాలు వేసేసుకుంటున్నారు.

చిరంజీవి  ఎప్పుడో జంటిల్ మెన్ బాలీవుడ్ రీమేక్ అప్పుడే అడిగాడని,  కానీ వర్కవుట్ కాలేదని, రజనీ లాంటి స్టార్ కు రోబో లాంటి హిట్ ఇచ్చిన శంకర్ తలుచుకుంటే, మెగాస్టార్ 150 సినిమాను అదరగొట్టేస్తాడని ఆయన ఫ్యాన్స్ అంటున్నారు. అరవింద్, చిరంజీవి తలుచుకుంటే శంకర్ ను ఒప్పించడం సమస్య కాదు..బడ్జెట్ అంతకన్నా ప్రోబ్లమ్ కాదు.

ఈ సంగతులు అలా వుంచితే రజనీ కాంత్ మాంచి హిట్ కోసం చూస్తున్నారు. కొచ్చడియాన్, లింగా దెబ్బలకు ఆయన మార్కెట్ డోలాయమానంలో వుంది. అందువల్ల రోబో 2 అంటూ శంకర్ తో ఓ సినిమా చేయాలన్న అయిడియాలో ఆయన వున్నారని చెన్నయ్ టాక్. పైగా శంకర్ బడ్జెట్ కు సినిమా చేయాలంటే అది కనీసం తమిళ, తెలుగుల్లో విడుదల కావాలి. అలా కావాలంటే మన హీరోలు లాభం లేదు. అక్కడి వాళ్లకే సూటబుల్.