Epaper
మెగా కుటుంబం నుంచి కొత్తగా వస్తున్న నాగబాబు తనయుడు వరుణ్‌ తేజ్‌ ‘ముకుంద’పై అభిమానులకి అంచనాలు బాగానే ఉన్నాయి. మెగా ఫ్యామిలీ నుంచి మరో బ్యాంకబుల్‌ హీరో అవుతాడని ఇతడిపై కాన్ఫిడెంట్‌గా ఉన్నారు. ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’ వంటి సాఫ్ట్‌ మూవీస్‌ తీసిన డైరెక్టర్‌ శ్రీకాంత్‌ అడ్డాల ఈసారి షాక్‌ ఇవ్వబోతున్నాడట.
‘ముకుంద’ చిత్రం పాటలు విని ఇది ప్రేమకథా చిత్రమని అనుకున్నా.. శ్రీకాంత్‌ అడ్డాల మార్కు ఫ్యామిలీ సెంటిమెంట్స్‌ ఉంటాయని ఆశించినా పప్పులో కాలేసినట్టేనట. ఎందుకంటే ఇది ఫక్తు యాక్షన్‌ సినిమా అని, సినిమాలో లెక్కకి మించిన ఫైట్లు ఉంటాయని, పోస్టర్లు చూసి ఇది క్లాస్‌ సినిమా అనుకున్న వారిని ఈ రూరల్‌ యాక్షన్‌ డ్రామా సర్‌ప్రైజ్‌ చేస్తుందని టాక్‌.
ఈ చిత్రంలో లవ్‌స్టోరీ కూడా కొత్తగా ఉంటుందట. హీరో హీరోయిన్లు ఎక్కడా సంభాషించుకోరట. వరుణ్‌ తేజ్‌, రావు రమేష్‌ మధ్య సీన్లు సినిమాకి హైలైట్‌గా నిలిచాయని, మిక్కీ జె. మేయర్‌ మ్యూజిక్‌ పెద్ద ఎస్సెట్‌ అని రిపోర్ట్స్‌ వస్తున్నాయి.