ముకుంద వర్సెస్‌ పవన్‌ గ్రూప్‌!

‘ముకుంద’ చిత్రంతో నాగబాబు తనయుడు వరుణ్‌ తేజ్‌ హీరోగా వెండితెరపై తొలి సంతకం చేయబోతున్నాడు. ఈ చిత్రానికి పోటీగా నితిన్‌ సినిమా ‘చిన్నదాన నీకోసం’ వస్తోంది. ఈ చిత్రంలో నితిన్‌ పవర్‌స్టార్‌ అభిమానిగా నటిస్తున్నాడు. పవన్‌కళ్యాణ్‌పై దాచుకోలేనంత అభిమానాన్ని చూపిస్తోన్న నితిన్‌ తిరుపతిలో ‘చిన్నదాన’ సంబరాల్లో రెచ్చిపోయి తన అభిమానం చాటుకున్నాడు. 

ఇదిలావుంటే ‘ముకుంద’ సైడ్‌ నుంచి పవన్‌ స్మరణ లేదు. చిరంజీవి, పవన్‌కళ్యాణ్‌ మధ్య విబేధాలు ఉండడంతో పవన్‌ ‘ముకుంద’ ఆడియో వేడుకలో కూడా కనిపించలేదు. మాట వరసకి పవన్‌ గురించి మాట్లాడారు కానీ పవన్‌ అభిమానుల్ని ‘ముకుంద’ యూనిట్‌ ఆకట్టుకోలేకపోయింది. కానీ నితిన్‌ టీమ్‌ మాత్రం పవన్‌ భజనతో పునీతమవుతోంది. 

దీంతో పవన్‌ అభిమానులు ఈ వీక్‌ రిలీజెస్‌లో తమ పూర్తి మద్దతు నితిన్‌కే ఇచ్చేస్తున్నారు. పవన్‌ అన్న కొడుకు నటించిన సినిమాకి వారి సపోర్ట్‌ ఏమీ లేదు. మరి మెగా అభిమానులు రెండు గ్రూపులుగా సపోర్ట్‌ చేస్తోన్న ఈ సినిమాల్లో ఏది విన్నర్‌గా నిలుస్తుందో ఏమో?