ఆ సినిమాలో అసలు హీరో ఎవరు?

మీలో ఎవరు కోటీశ్వరుడు. ఈ సినిమాలో హీరో నవీన్ చంద్ర. కానీ ఈ మధ్య కొత్తగా నవీన్ చంద్ర, పృధ్వీ హీరోలుగా నటించిన అంటూ ప్రెస్ నోట్లు వదుల్తున్నారు. ఇలా చేయడం వెనుక అసలు సంగతి వేరే వుందట. ఇ సత్తిబాబు దర్శకత్వం వహించిన ఈ సినిమాలో నవీన్ చంద్ర పేరుకే హీరో అని తెలుస్తోంది. 

సినిమాలో అతగాడు టోటల్ గా అరగంట మాత్రమే కనిపిస్తాడని తెలుస్తోంది. మిగిలిన సినిమాలో మేజర్ పాత్ర పృధ్వీదేనట. అతని చుట్టూ, ప్లస్ ఆల్ మోస్ట్ ఆల్ టాప్ కమెడియన్లతో సినిమా నడుస్తుందట. అందువల్ల ఈ సినిమాకు అసలు హీరో పృధ్వీ అనే అనుకోవాలేమో? 

అయితే అలా అంటే ఎలా వుంటుందో, పైగా నవీన్ చంద్ర వున్నాడు కదా? అని, ఇద్దరు హీరోలు అంటూ పబ్లిసిటీ చేస్తున్నారట. వాస్తవానికి నవీన్ చంద్ర కన్నా లెంగ్తీ రోల్ పృధ్వీదేనట. అదీ సంగతి.