బాహుబలిపై కిందా మీదా?

బాహుబలిపై తాజా వదంతి ఒకటి టాలీవుడ్ లో షికారు కొడుతొంది. ఫస్టాఫ్ స్క్రిప్ట్ ను కొద్దిగా మార్చి, ఆ మేరకు సినిమాను రీ ఎడిట్ చేసి, అదనపు సీన్లు చేరుస్తున్నారన్నది ఆ వదంతి. 

సినిమా ఒరిజినల్ స్క్రిప్ట్ ప్రకారం తొలి సగంలో ప్రభాస్ పాత్ర నిడివి కాస్త తక్కువ కావడమో,లేదా ప్రాధాన్యత తక్కువ కావడమో అని టాక్. అలా అయితే అభిమానులు ప్రేక్షకులు ఎలా ఫీల్ అవుతారో అని అనుమానపడుతున్నారట. అందుకని మలి సగం కోసం తీసిన సీన్లు తొలిసగంలోకి తేవాలని, అందుకు అనుగుణంగా స్క్రిప్ట్ మారుస్తున్నారని అంటున్నారు. 

నిజానికి బాహుబలిపై వినిపిస్తున్న గుసగుసలు ఇన్నీ అన్నీ కావు. అసలు కీలకమైన గుసగుస ఏమిటంటే, అసలు బాహుబలి ప్రభాస్ ఇమేజ్ కోసం నిర్మిస్తున్నారా? రానా కోసమా అన్నది వాటిల్లో ఒకటి. 

ఆడియో ఫంక్షన్ వేళ తిరుపతిలో కూడా ప్రభాస్ ఫ్లెక్సీల కన్నా రానా ఫ్లెక్సీలో ఎక్కువని ప్రభాస్ అభిమానులు కలత చెందారట. సినిమాకు సంబంధించి ఇప్పటి వరకు బయటకు వచ్చిన వాటిని చూస్తుంటే, రానానే ఎక్కువ ఎలివేట్ అయ్యేలా వుందని వారు కలవరపడుతున్నట్లు వార్తలువినిపిస్తున్నాయి. ఓ భారీ ప్రాజెక్టు అన్నాక, ఆ మాత్రం వదంతులు వినిపిస్తాయి. వినిపించాలి కూడా. లేకుంటే హైప్ అంతకు అంతా పెరగదుగా.