అధికారం ఉంది మరి.. అన్ని సినిమాలూ ఒకేసారి!

అధికారంలో ఉంటే.. అంతే మరి, నారా రోహిత్ కు హీరో అవకాశాలు పెరుగుతాయి, నందమూరి బాలయ్య సినిమాలు లిమ్కా బుక్ ఆఫ్ రికార్డ్స్ లోకి ఎక్కుతాయి! ప్రొద్దుటూరులో బాలయ్య సినిమాలు రికార్డులు సృష్టిస్తున్నాయి. బాలయ్య వందో సినిమా ఇంకో వంద రోజుల్లో విడుదల కానున్న నేపథ్యంలో.. బాలకృష్ణ హీరోగా నటించిన 99 సినిమాలను రోజుకు ఒకటిగా ఒక షో చొప్పున ప్రదర్శిస్తారట ఇక్కడ. టౌన్ లోని అర్చన హాల్ లో ఈ ఏర్పాట్లు చేసుకున్నారు.

మరి ఎప్పుడో “సాహసమే జీవితం’’ తో సోలో బాలయ్య హీరోగా కెరీర్ మొదలుపెట్టినట్టుగా ఉన్నాడు. అలాంటి సినిమాల ప్రింట్లు సంపాదించడం అంటే గొప్ప కథే. మరి తెలుగుదేశం పార్టీ అధికారంలో ఉంది.. కాబట్టి నందమూరి హీరోపై ఇలాంటి ఆదరాభిమానాలు విరివిగానే ఉంటాయి కదా!

అధికారంలో ఉన్న పార్టీలో గుర్తింపు తెచ్చుకోవాలన్నా, అధికారంలో ఉన్న వారి నోటీస్ లోకి వెళ్లాలన్నా వారి హీరోలను ఈ విధంగా ఆదరించడం ఒక దగ్గరి దారేమో!