బాలయ్య సినిమాలో ‘సోనియా అల్లుడు?’

సోనియా అల్లుడేమిటి..బాలయ్య సినిమాలో ఏమిటీ అన్న చిన్న పాటి కన్ఫ్యూజన్ కూడా వుద్దు. సోనియా గాంధీ అల్లుడు రాబార్ట్ వాద్రా వ్యవహారాలు తెలిసినవేగా. అత్త పార్టీ అధికారంలో వుండగా ఒక చక్రం కాదు..రకరకాల చక్రాలు తిప్పేసాడు. ఇప్పుడు అతగాడు, అతని వ్యవహారాలు గుర్తుకు వచ్చేలా, ఓ పాత్రను తయారు చేసారు అని వినికిడి. దాన్ని బాలయ్య సినిమాలో చేర్చారట. 

ఈ క్యారెక్టర్ కు సంబంధించిన ఎపిసోడ్ లు కొన్ని మరి కొద్ది రోజుల్లో ఢిల్లీలో చిత్రీకరిస్తారని వినికిడి. ఆ మధ్య లయన్ సినిమాలో జెడి లక్ష్మీనారాయణ లైన్ కాస్త సెట్ చేసారు. ఇప్పుడు ఇలా అన్నమాట. మరి ఇంతకీ బాలయ్యతో సోనియా అల్లుడు వాద్రా ను పోలిన క్యారెక్టర్ ఎక్కడ ఢీకొంటుందో, ఆ లింక్ ఏమిటో తెలియాలంటే కొన్నాళ్లు ఆగాలి.