Epaper
బంగార్రాజు. హీరో నాగార్జున ఫేవరెట్ క్యారెక్టర్లలో ఒకటి. 'వాసి వాడి తస్సా దియ్యా' అనే ఊతపదం పలుకుతూ, మాంచి ధిలాసాగా వుండే కులాసా పురుషుడ్ పాత్ర. అదే పాత్రను ఫుల్ లెంగ్త్ కు తీసుకుని, సినిమా చేయాలని అనుకున్నాడు నాగ్. టైటిల్ కూడా రిజిస్టర్ చేయించాడు. కథ రెడీ చేయమని డైరక్టర్ కళ్యాణ్ కృష్ణకు చెప్పాడు కూడా.
ఫ్రస్తుతం నాగ్ చేస్తున్న సినిమా రాజుగారి గది-2 ఫినిషింగ్ స్టేజ్ కు వచ్చేసింది. ఈ సినిమా తరువాత ఏదీ ఓకె చేయలేదు. ఏం చేయాలి అన్నదాంట్లో ఇంకా క్లారిటీ లేదు. డైరక్టర్లు ఎవరూ అందుబాటులో లేరు. కథలు ఎవరూ చెప్పిన దాఖలాలు లేవు. పోనీ అన్నపూర్ణలో రెండు హిట్ లు కొట్టిన కళ్యాణ్ కృష్ణ రెడీగా వున్నాడు, టైటిల్ రెడీగా వుందీ అనుకుంటే, ప్రస్తుతానికి ఆ సినిమాపై పునరాలోచిస్తున్నాడు నాగ్ అని టాక్ వినిపిస్తోంది.
సోగ్గాడే చిన్ని నాయనా, రారండోయ్ వేడుక చూద్దాం సినిమాల వెనుక నాగ్ కష్టం కూడా చాలా వుంది. రారండోయ్ సినిమాకు అయితే చాలాసార్లు షూటింగ్ కు వచ్చాడు. ఫైనల్ అవుట్ పుట్ కు కూడికలు తీసివేతలు చేసాడు. ఇలా చాలా జరిగింది. అందువల్ల ప్రస్తుతానికి మరో సినిమా కళ్యాణ్ కృష్ణతో చేస్తారా? అన్నది అనుమానం అంటూ గుసగుసలు వినిపిస్తున్నాయి. కళ్యాణ్ కృష్ణ కూడా ఓ సినిమా బయటి వారికి చేసి, అప్పుడు మళ్లీ అన్నపూర్ణకు వస్తాడేమో అన్న టాక్ వినిపిస్తోంది. మొత్తంమీద అన్నీ కలిపి బంగార్రాజును కాస్త వెనక్కు నెడుతున్నట్లున్నాయి.