చైతన్య సినిమాలో వెంకీ?

నాగచైతన్య సినిమాలో విక్టరీ వెంకీ చిన్న రోల్ చేయబోతున్నారా? ఇది లేటెస్ట్ గ్యాసిప్ టాలీవుడ్ లో. మేనల్లుడి సినిమాలో ఇంత వరకు వెంకీ ఎప్పుడూ కనిపించలేదు. మలయాళ చిత్రమ్ ప్రేమమ్ ఆధారంగా తెలుగులో చేయబోయే సినిమాలో వెంకీ కోసమో రిజర్వ్ చేయడమో, లేదా చిన్న పాత్ర వుంటే దాన్ని వెంకీకి అనువుగా కాస్త మార్చడమో జరిగిందని గుసగుసలు వినిపిస్తున్నాయి. 

ఈ సినిమా ఇంకా ప్రారంభం కాలేదు. ప్రీ ప్రొడక్షన్ దశలో వుంది. అక్టోబర్ లో ప్రారంభం కావడానికి అవకాశం వుంది. అయితే ఈ సినిమా కాస్త డిఫరెంట్ సబ్జెక్ట్. అందువల్ల దీనికి అదనపు హంగులు జోడించాలని, ఎమోషనల్ కంటెంట్ తగ్గించి, ఎంటర్ టైమ్ మెంట్ పెంచాలని ఆలోచిస్తున్నారు. అందులో భాగంగానే వెంకీ ఈ ప్రాజెక్టులోకి వచ్చినట్లు తెలుస్తోంది.